Энди МЮ Погбани 200 млн еврога ҳам сотмайди

"Манчестер Юнайтед" клуби раҳбарияти жамоа ярим ҳимоячиси Поль Погбанинг трансфери бўйича ишни ёпди. Бу ҳақда AS нашри хабар тарқатмоқда.

Юқоридаги манбаага кўра франциялик футболчининг “Реал”га ўтиш эҳтимоллари жуда паст бўлган. Бироқ, МЮ раҳбарияти уни Англияда трансфер ойнаси ёпилганидан кейин ҳам сотиб юборишга рози бўлишган.

Лекин энди вазият ўзгарган. Манкуанликлар Погбани хатто 200 млн евролик таклиф бўлса ҳам сотишмайди.

Эслатиб ўтамиз, Погба АПЛнинг 1-турида “Челси”га (4:0) қарши бўлиб ўтган ўйинда жамоасининг 2та голига ассистентлик қилган эди.