Энди Суперлига баҳсларида "Машъал" стадионига кириш текин!

27 февралдан футбол бўйича янги мавсум расман старт олади. Бу борада Суперлига дебютанти саналадиган Муборакнинг “Машъал” клуби ҳам астойдил тайёргарлик кўрмоқда. Айтиш жоизки, улар бир қанча янгиликларга ҳам қўл уришмоқда.

Аҳамиятлиси жамоа раҳбарияти мухлисларга янада қулайлик яратиш мақсадида эндиликда стадионга кириш мутлақо бепул қилиб қўйилди. Бу борада клуб матбуот хизмати ҳам хабар берди. “Машъал” эса илк турни ўз майдонида 29 февраль куни Жиззахнинг “Сўғдиёна” жамоасига қарши ўтказади.

Шу тариқа, раҳбарият “Машъал”нинг дебют мавсумида ишқибозларининг кўмаги ҳар қачонгидан кўра муҳимроқ эканини инобатга олиб, стадионга киришни пулсиз қилиб қўйишди. Бу эса табиийки, мухлисларга қулайлик яратади.