Энди у керак эмас! “Сити” хўжайинлари “Челси”нинг энг зўр футболчисини олмайдиган бўлди

“Челси”дан кетиш истагини билдирган аргентиналик жаҳон чемпиони Энцо Фернандес бир неча клублар эътиборини ўзига қаратган эди.

Моҳир ярим ҳимоячини сотиб олишни истаган клублар орасида “Манчестер Сити” ҳам бор эди. Айниқса, “шаҳарликлар”га “Челси”нинг собиқ бош мураббийи Энцо Мареска тайинланиши мумкинлиги ҳақидаги хабарлардан кейин бу мавзу янада кучайди.

Сўнгги маълумотларга қараганда, “Манчестер Сити” раҳбарияти Энцо Фернандесга қизиқмай қўйди. Daily Mail ёзишича, гарчи Мареска аргентиналик футболчи билан яхши муносабатларга эга бўлса ҳам, “Сити” уни сотиб олиш режасидан воз кечган.

Айни пайтда “шаҳарликлар”нинг асосий мақсад — Эллиот Андерсон экани айтилмоқда. Агар бу трансфер амалга ошмаса, клуб эътиборини “Ньюкасл” футболчиси Сандро Тоналига қаратиши мумкин.