Энг кучли футболчимиз Европани эмас, Хитойни танлаганига изоҳ берди

Ўзбек футболининг охирги йиллардаги энг ёрқин юлдузларидан бири Одил Аҳмедов https://sport24.ru сайти журналисти Владислав Шапирога интервью берди.

Аҳмедов интервьюси давомида Россия премьер-лигасидан кейин нега Европани эмас, Хитой чемпионатини танлагани ҳақида ҳам маълумот берди.

- Кучга тўлган пайтингиз нега Хитойга кетдингиз?

- Ўша пайтда менда иккита таклиф бор эди. Бири “Ницца”дан, иккинчиси “Шанхай СИПГ”дан. Узоқ ўйладим, оилам билан маслаҳатлашдим. Хитойликлар анча катта шароитларни таклиф қилишди ва “Шанхай”га ўтиб кетдим.

Қўшимчасига, “Шанхай”ни бошқарган Виллаш Боашнинг шахсан ўзи мени жамоасида кўришни истаган эди. Кейин “Шанхай”га Халк ва Оскар қўшилди. Жамоада кучли легионерлари бор зўр таркибга эга бўлди.

- Халк билан рус тилида гаплашмаганмисиз?

- Халкнинг русчаси ёмн, деярли йўқ даражада. Лекин Халк Хито чемпионатиги энг кучли футболчилардан бири эди. Шунга қарамай, ҳар доим ўз устида ишларди. Машғулотлардан кейин ҳам шуғулланарди. Зарбаси ақлбовар қилмас даражада кучли.

- Россия футболи кучлими ёки Хитойники?

- Россияники. Россия премьер-лигаси Хитой чемпионатидан қизиқарлироқ. Асосий фарқ шундаки, Россияда жисмоний томонга эътибор қаратилади, Хитойда техникага.

- Одамларнинг ҳам фарқи борми?

- Хитойдагилар оддий ва деярли бир хил. Қайси киши бой ёки аксинча эканини билмайсан. Россияда ҳаммаси бошқача.

Яна бир муҳим фарқ – таомлар. Улар ноодатий нарсаларни ҳам ейди. Лекин мен билан ўзбек ошпаз бирга бўлган ва у мен ёқтирган таомларни тайёрларди. Мен маҳаллий йигитларни меҳмонга чақирардим, улар мослашишимга катта ёрдам берган, палов билан меҳмон қилардим. Уларнинг аксарияти билан ҳали ҳам алоқа қиламиз.

- Хитойда нима энг катта таассурот қолдирди?

- Қаттиқ тартиб-интизом. Нафақат футболда, балки оддий ҳаётда ҳам. Хитойликларнинг ҳаммаси ўта тартибли.

- Сиз ўйнаган “Шанхай СИПГ” жамоасига Артём Дзюба ҳам ўтиши мумкин эди...

- Бу ҳақида эшитгандим, ўқигандим, лекин бари оддий миш-мишлар, деб ўйлайман. Агар Хитойда Дзюбани олишмоқчи бўлишганида ҳар қандай суммани тўлашарди.

- Нега у “Адана Демирспор”да деярли ўйнамаяпти?

- Ўйлашимча, ўйинидаги пасайиш ёши билан боғлиқ. “Зенит”да унга доимо ўйин амалиёти берилгани формасини ушлаб турган, лекин ҳозир у 34 ёшда. Лекин мен Дзюба ҳали ўйнаб кетишига ишонаман. Яхши сифатлари бор. Рақиб жарима майдончаси ичида Артём ҳали ҳам жуда хавфли.

"Арсенал" сўраган легионеримизни жамоаси Англияга қўйиб юбормаган экан...

Шомуродовга “Рома”дан кетишни тавсия қилишди...