Энг қиммат ўйинчи Гвардиола ишончини оқлай олмаяпти

“Манчестер Сити” 2021 йилнинг ёзида ўз тарихидаги энг катта трансферни амалга ошириб, “Астон Вилла”дан Жек Грилишни 117,5 миллион еврога сотиб олган эди.

“Шаҳарликлар” сафига ўтган футболчининг ўйинида кескин пасайиш кузатилди. Ўтган мавсумда етарли даражада ўзини кўрсата олмаган ҳужумкор  футболчи ҳали ҳам ўйинини тиклаб олгани йўқ.

Маълумотларга қараганда,  “Манчестер Сити” қимматбаҳо ўйинчини сотиб юбориш вариантларини ўрганиб чиқмоқда.

Жек Грилишнинг ўзи ҳам бундан хабар топди ва келажаги ҳақида хавотирланмоқда.

Хосеп Гвардиола жорий мавсумда барча турнирларда уни 16 маротаба майдонга туширди. Мураббий ва мухлислар ишончини оқлай олмаётган футболчи имкониятлардан фойдалана олмади ва атиги битта гол билан чекланиб қолди.