Энг зўр қиличбозларимиз ғолиб бўлди

Тошкент шаҳридаги “Пахтакор” қиличбозлик спорт мажмуида 20 ёшгача бўлган спортчилар ўртасида қиличбозлик бўйича Ўзбекистон чемпионати якунига етди.

Қорақалпоғистон Республикаси, вилоятлар ҳамда Тошкент шаҳридан 90 нафарга яқин спортчи бир ҳафта давомида қиличбозликнинг шпага, рапира ва сабля йўналишидаги яккалик ҳамда жамоавий беллашувларда чемпионлик учун кураш олиб борди.

Беллашувлар якунига кўра, яккалик баҳсларида Карина Қурбонова (Миллий клуб) олтин медалга сазовор бўлди. 2-ўрин Дарина Бобожонова (Тошкент)га насиб этди. 3-ўринни эса Виктория Таршилова (Тошкент) ҳамда Дилназ Уснатжонова (НОПСТМ)лар бўлиб олишди.

Ўғил болалар баҳсида Нукус олимпия ва паралимпия спорт турларига тайёрлаш маркази ўқувчиси Шонназар Обиловга тенг келадигани топилмади. 2-ўринга миллий клуб спортчиси Саидиброҳим Олимов кўтарилди. 3-ўринни Нуркелди Нурганбоев (НОПСТМ) ва Азизбек Каримбоев (Тошкент) эгаллади.

Жамоавий баҳсларда «Тошкент-2» қизлари ғолиблик шосупасининг энг юқори поғонасидан ўрин эгаллади. «Қорақалпоғистон-1» 2- ва 3-ўрин «Тошкент-1», «Қорақалпоғистон-2» жамоаларига насиб этди.

Ўғил болалар баҳсида 1-ўринга «Қорақалпоғистон-1» йигитлари кўтарилди. Кейинги ўрин «Тошкент-1» жамоасига лойиқ кўрилди. 3-ўринни эса «Қорақалпоғистон-2» ҳамда «Қорақалпоғистон-3» спортчилари олишди.