Энрике: "ПСЖ – бу жамоавий руҳ. Дембеле бўлмаса ҳам курашамиз"

ПСЖ бош мураббийи Луис Энрике Чемпионлар лигаси ярим финали доирасида "Арсенал"га қарши ўйиндан (1:0) сўнг ўз фикрлари билан ўртоқлашди.

– Биз ҳар куни характeримизни намоён қиляпмиз. Буни ПСЖда кўриш жуда ёқимли. Жуда эҳтиросли беллашув бўлди. Бундай ажойиб атмосферада ўйнаш қийин. 

– Учрашув бошидаги гол бизга ишонч бағишлади. Энди эса ўйин назорати ҳақида ўйлашимиз керак. Жавоб учрашуви ўз мухлисларимиз қаршисида бўлади, биз унга тўлиқ тайёр бўламиз.

– Дембелега келсак, у жавоб учрашувида ўйнайдими-йўқми – ҳозирча номаълум. Албатта, унинг қайтиши яхши бўлади. Аммо у бўлмаса ҳам, майдонда бошқа жамоани кўрасиз – биз чин маънода жамоамиз.- дея таъриф бериб ўтди испаниялик мутахассис.