Энцо Фернандес “Манчестер Сити” тарихидаги энг қиммат футболчига айланди

Аргентина терма жамоаси ярим ҳимоячиси Энцо Фернандеснинг “Челси”дан “Манчестер Сити”га трансфери манчестерликлар тарихидаги энг қиммат харид бўлди. Футболчининг трансфери яқинда расман маълум қилинди.

Transfermarkt маълумотига кўра, битим қиймати 145 миллион еврони ташкил қилди.

Бунга қадар “Манчестер Сити” тарихидаги энг қиммат трансфер шу ёзда “Ноттингем Форест”дан олинган Англия терма жамоаси ярим ҳимоячиси Эллиот Андерсон эди. Унинг трансфери 135 миллион еврога тушган.

Учинчи ўринда эса 2021 йил ёзида “Астон Вилла”дан сотиб олинган Жек Грилиш турибди. Англиялик футболчи “Манчестер Сити”га 117,5  миллион евро эвазига ўтган ва бу ўз вақтида рекорд трансфер сифатида қайд этилган.

Энцо Фернандес 2023 йил январидан бери “Челси”да ўйнаб келаётган эди. Шу вақт давомида аргентиналик футболчи барча турнирларда 170 та ўйин ўтказиб, 31 та гол урган ва 30 та голли узатма амалга оширган.