Энцо Мареска "Манчестер Сити"нинг янги бош мураббийи бўлиши кутилмоқда

"Манчестер Сити" клуби ва 46 ёшли мутахассис Энцо Мареска ўртасида тўлиқ оғзаки келишувга эришилди. Бу ҳақда журналист Фабрицио Романо маълум қилди.

Маълумотга кўра, Мареска "Манчестер Сити" билан уч йиллик шартнома имзолайди ва жамоа бошқарувида Пеп Гвардиола ўрнини эгаллайди.

Италиялик мутахассис сўнгги марта "Челси" жамоасини бошқарган бўлиб, у клубда 2024 йил июлдан 2026 йил январгача фаолият олиб борган. Шунингдек, Мареска аввалроқ 2022/23 мавсумда "Манчестер Сити"да Гвардиоланинг ёрдамчи мураббийи сифатида ишлаган.

Пеп Гвардиола эса 2016 йилдан бери "Манчестер Сити"ни бошқариб келмоқда ва унинг раҳбарлиги остида жамоа 20 та совринни қўлга киритган.