Эрик тен Хаг трансфер барбод бўлганидан хурсанд

“Манчестер Юнайтед” бош мураббийи  Эрик тен Хаг ҳимоячи Ҳарри Магуайрнинг “Вест Хэм”га ўтиб кетмаганидан хурсанд эканини айтди.

- Ҳарри Магуайр биз билан қолишидан хурсандмиз. Бизга яхши жамоа керак. Ҳозирнинг ўзида тўрт нафар марказий ҳимоячимиз бор. Улар қаторига универсал Люк Шоуни қўшсак, бешта бўлади.

Янги мавсумда 50-60 та учрашув ўтказишимизни инобатга олиб, уларнинг барчасига эҳтиёжимиз бор, - деди Эрик тен Хаг.

Аслида Магуайр трансфери бўйича икки клуб ўзаро келишувга эришган эди. Бироқ, тажрибали ҳимоячи шахсий шартнома масаласида “Вест Хэм” билан бир тўхтамга кела олмади.