Erkin agentga aylangan mashhur hujumchi faoliyatini Superligada davom ettirishi mumkin

"Kristal Pelas"dan ketganidan so‘ng erkin agentga aylangan ivuarlik hujumchi Vilfrid Zaxa faoliyatini Turkiya Superligasida davom ettirishi mumkin. Daily Mail nashri xabariga ko‘ra, 30 yoshli futbolchining xizmatlariga Istanbulning “Galatasaroy” klubi qiziqish bildirmoqda.

Manbaning yozishicha, turk grandi afrikalik futbolchiga yiliga 9 million evro maosh to‘lashga tayyor.

Ma’lumot uchun, Vilfrid 2015 yildan beri “Kristal Pelas” safida to‘p suradi. Hujumchi Angliya Premer-ligasining so‘nggi mavsumida 27 ta o‘yinda maydonga tushdi va 7 ta gol hamda 2 ta golli uzatmani amalga oshirdi.