Эрон чемпионати. 6 та гол урилган баҳсда "Фулад" мағлуб бўлди

Эрон чемпионати 8-туридан ўрин олган "Шардари Арак" - "Фулад" баҳси бўлиб ўтди. Унда мезбонлар 4:2 ҳисобида ғалаба қозонди. 

Ўзбекистон терма жамоаси посбони Ўткир Юсупов беллашувни асосий таркибда бошлади ва тўлиқ 90 дақиқа ўйнади. Легионеримиз 15 дақиқада жамоадошининг тўп узатишдаги хатосидан сўнг рақибга қўполлик қилгани учун пенальтига сабабчи бўлди ва сариқ карточка билан жазоланди.

Ушбу мағлубиятдан сўнг "Фулад" турнир жадвалида 14 очко билан 4-ўринда бормоқда.