Эрон элчиси: “Биз ЖЧ-2026да иштирок этамиз”

Эроннинг Испаниядаги элчиси Ризо Забиб миллий терма жамоанинг 2026 йилги жаҳон чемпионатидаги иштироки билан боғлиқ вазиятга изоҳ берди.

"Эрон жаҳон чемпионатига боради, биз у ерда бўлишга ҳақлимиз. Бизда муаммо йўқ, борамиз", - дея Забибнинг сўзларини келтиради АС.

Аввалроқ Эрон терма жамоаси АҚШ ва унинг иттифоқчиларининг мамлакатга қарши ҳарбий операцияси туфайли жаҳон чемпионатида иштирок этишдан бош тортиши мумкинлиги хабар қилинганди.

Эрон терма жамоаси ЖЧ-2026 йўлланмасини қўлга киритиб, Бельгия, Миср ва Янги Зеландия терма жамоалари билан “G” гуруҳидан жой олди. Жамоанинг учта ўйини ҳам АҚШ ҳудудида бўлиб ўтиши керак.