Эрон футбол федерацияси президенти терма жамоанинг “ЖЧ-2026”дан чиқиши мумкинлигига изоҳ берди

Эрон футбол федерацияси президенти Меҳди Тож миллий жамоанинг 2026 йилги жаҳон чемпионатидан чиқиши мумкинлиги ҳақида фикр билдирди.

- Бугунги воқеалар ва АҚШ томонидан қилинган ҳужумдан кейин жаҳон чемпионатига умид билан қараш қийин, аммо бу масала бўйича қарорни спорт ташкилотлари раҳбарлари қабул қилиши керак, - деди Меҳди Тож.

Осиё минтақавий саралаш турнирида ўз гуруҳида биринчи ўринни эгаллаган Эрон миллий  терма жамоаси “ЖЧ-2026”га тўғридан тўғри йўлланма олган.

Қуръа натижасига кўра, форслар мундиалнинг “G” гуруҳидан чиқиш учун Бельгия, Миср ва Янги Зеландия миллий терма жамоалари билан куч синашиши лозим. Мураккаб томони шундаки, гуруҳдаги учала ўйин АҚШ ҳудудида ўтказилиши керак.