Эртага Баҳодир Жалоловдан ташқари яна қайси боксчиларимиз рингга чиқади?

Эртага 29 июль куни 3 нафар боксчимиз Токио-2020 да рингга кўтарилади.

Дастлаб, Тошкент вақти билан соат 08:03 да +91 кг вазн тоифасида ҳамюртимиз Баҳодир Жалолов 1/8 финалда Озарбайжон вакили Муҳаммед Абдуллаевга қарши ринга кўтарилади.

Сўнгра, соат 09:06 дан бошлаб аёл боксчимиз Турсуной Раҳимова 1/8 финалда туркиялик Бусе Чакироглуга қарши жанг олиб боради.

Эртагалик бокс жангларида сўнгги вакилимиз Фанат Қаҳрамонов бўлади. Маҳоратли чарм қўлқоп устамиз 1/8 финалда қўшни қозоғистонлик Абилхан Аманкулга қарши рингга чиқади.