Эшик фақат Мбаппе учун очиқ!

“Пари Сен-Жермен” тарихидаги энг зўр тўпурарга айланган Килиан Мбаппе келаси мавсум бошлангунга қадар “Реал”га ўтиб кетиши мумкин.

Парижликлар 24 ёшли ҳужумчи тез орада битимни узайтирмаса, раҳбарият уни шу ёзда сотиб юборади.

Мбаппега асосий даъвогар сифатида “Реал” тилга олинмоқда. Мадридликлар бу йил Жуд Беллингемни “Боруссия”дан трансфер қилди. Шунингдек, Карим Бенземанинг кутилмаганда кетиб қолгани “Қироллик клуби”ни 33 ёшли Хоселуни ижарага олишга мажбур қилди.

“Реал” хўжайинлари бу ёз бошқа трансферни амалга оширмоқчи эмас. Бироқ, ПСЖ Килиан Мбаппени ёз ичи сотиб юборадиган бўлса, мадридликлар савдога қўшилишга мажбур.

Шу боис, келаси мавсум олдидан “Реал” эшиклари фақатгина Килиан Мбаппе учун очилади.