Это'О нега Мане "Олтин тўп"ни ололмаганини айтди

Африкалик машҳур футболчи Самуэль Это'О "Ливерпул"даги қитъадоши Садио Мане нега бу йил “Олтин тўп”ни қўлга кирита олмаганини изоҳлаб ўтди.

“Мане “Олтин тўп”ни олганида бундан кимдир хафа бўларди деб ўйламайман. Садио ўзининг ажойиб мавсумини ўтказиб, ушбу совринга муносиб бўлган эди. Месси Жанубий Америкадагиларнинг овози ҳисобига совринни ютиб кетди. Европаликлар эса ван Дейк учун овоз беришганига ишонаман. Аммо, африкаликлар Манега овоз беришмади. Мана шу катта муаммо. Бизга бирлик етишмаяпти. Агар биз “Олтин тўп” масаласида европаликлар ва жанубий америкаликларнинг гегемонлигини тугатмоқчи бўлсак, у ҳолда бирлашишимиз керак”, - дейди камерунлик собиқ футболчи.

Эслатиб ўтамиз, Мане овоз бериш якунларига кўра Лионель Месси, Виржил ван Дейк ва Криштиану Роналдудан сўнг 4-ўринни эгаллади.

Маълумот учун, “Олтин тўп”ни қўлга киритган тарихдаги ягона футболчи бу Жорж Веа (1995) ҳисобланади.