Етти карра чемпион бошқа жамоага ўтадиган бўлди

«Бавария» таркибидан яқинда кетган ярим ҳимоячи Леон Горецка эркин агент сифатида «Астон Вилла» сафига қўшилиши мумкин. Бу ҳақда футбол бўйича маълум инсайдерлар Фабрицио Романо ва Маттео Моретто хабар берди.

Романо маълумотига кўра, 31 ёшли немис футболчиси аллақачон Бирмингем клуби билан оғзаки келишувга эришган. Горецка қарорни «Астон Вилла» бош мураббийи Унаи Эмери билан суҳбатдан сўнг қабул қилгани айтилмоқда.

Кутилмоқдаки, келаси ҳафта футболчи тиббий кўрикдан ўтади. Шундан сўнг томонлар расмий шартномани расмийлаштириши режалаштирилган.

Горецка бу ёзда «Бавария»ни саккиз йиллик фаолиятидан сўнг тарк этди. У мюнхенликлар сафида 312 та ўйин ўтказган. Германия терма жамоаси таркибида эса 73 та учрашувда майдонга тушган. Горецка фаолияти давомида етти марта Бундеслига ғолиби бўлган. 

Аввалроқ хабар берилишича, «Астон Вилла» Жоау Пальинья бўйича музокаралар муваффақиятсиз якунлангач, асосий эътиборни Горецка трансферига қаратган. Пальиньянинг эса «Бенфика»га қайтишига оз қолгани айтилмоқда.