"Эвертон" эртаги бахтли хотима топди

АПЛ 33-туридан ўрин олган қолдирилган ўйинда "Эвертон" - "Кристал Пэлас" баҳси якунланди. Унда майдон эгалари 3:2 ҳисобида рақибдан устун келди.  

Биринчи таймда икки тўп фарқи билан ҳисобда ортда бораётган мерсисайдликлар иккинчи бўлимда 3 та гол уришни уддалади. 

Шу тариқа, Лэмпард шогирдлари очколари сонини 39 тага етказиб олган ҳолда, АПЛ турнир жадвалида 16-ўринга кўтарилди. 35 очкога эга "Бёрнли" ҳамда "Лидс" сўнгги турда АПЛда қолиш учун сўнгги турда кураш олиб боради. 

Қайд этиш лозим, "ирисчилар" сўнгги турда ғалаба қозонса, шунингдек, "Саутгемптон" очко йўқотса, жамоа 15-ўринга ҳам кўтарилиши мумкин.