"Everton" xavbeki "Chelsi"ga o‘tishni istamadi

"Everton" yarim himoyachisi Amadu Onana "Chelsi"ning taklifiga rad javobini berdi. 

London klubi himoya va hujum chizig‘ini kuchayirishga muvaffaq bo‘ldi. "Aristokratlar"ning galdagi rejasi yarim himoyaga sifatli ijrochilarni olib kelish hisoblanadi. 

21 yoshli belgiyalik xavbek mavsum so‘nggiga qadar "irischilar" safida qolishni rejalashtirmoqda. Avvalroq, unga Londonning boshqa bir klubi qiziqayotgani haqida xabarlar chiqayotgandi. 

Joriy mavsumda u APL doirasida 18 ta uchrashuvda maydonga tushib, bittadan gol hamda assistni o‘z hisobiga yozdirib qo‘ygan.