"Эвертон" ёзда МЮ футболчисини сотиб олмоқчи

"Эвертон" клуби "Манчестер Юнайтед" ҳимоячиси Крис Смоллингнинг хизматларига қизиқиш билдира бошлади. Бу ҳақда Football Italia нашри хабар тарқатмоқда.

Юқоридаги манбаага кўра “ирисчилар” 30 ёшли англиялик футболчини ёзги трансферлар даврида ўз савларига қўшиб олишмоқчи. Унинг трансфер нархи эса 20 млн еврога баҳоланмоқда.

Маълумот учун, Смоллинг жорий мавсумни “Рома” сафида ижарада ўтказмоқда. У римликлар сафида 23 та ўйинда майдонга тушди ва 2 та гол ҳамда 1 та голли узатма ёздириб қўйишга эришди.