"Everton" yozda Uolkottni sotib yubormoqchi

Teo Uolkott mavsumlar oralig‘ida “Everton”dan ketishi mumkin. The Guardian nashri tarqatgan xabarga ko‘ra “irischilar” joriy mavsum o‘zini ko‘rsata olmagan 30 yoshli futbolchini transferga qo‘yishmoqchi.

Ma’lumot uchun, Uolkot joriy mavsum hozircha 31ta o‘yinda ishtirok etdi va o‘z hisobiga 3ta gol hamda 3ta golli uzatma yozdirib qo‘yishga erishdi. Uning klub bilan amaldagi shartnomasi esa 2021 yilga qadar imzolangan.