Евро-2020. 120 дақиқа давом этган ўйинда 3 та гол урган Хорватия Испанияга мағлуб бўлди

Европа чемпионати нимчорак финал босқичидан ўрин олган Хорватия - Испания учрашуви якунланди. Унда номинал меҳмонлар 5:3 ҳисобида ғалаба қозонди.

Дастлаб, Испания дарвозабони Унаи Симон қўпол хатога йўл қўйиб, автоголга сабаб бўлди. Ўзида ирода топа олган "қизил фурия" Сарабия, Аспиликуэта ҳамда Ферран Торреснинг голлари эвазига ҳисобни 3:1 кўринишига келтирди. Аммо мезбонлар 7 дақиқа ичида 2 та гол урди ва томонлар экстра-таймларга мурожаат қилишига тўғри келди.

Қўшимча бўлимларда Луис Энрике шогирдлари яна 2 бор рақиб дарвозасини ишғол этди ва таблода 5:3 ҳисоби қайд этилди.

Катта қийинчилик эвазига чорак финалга чиққан "қизил фурия" энди Франция - Швейцария учрашуви ғолибига қарши майдонга тушади.

• 120+1'
  

  Учрашув якунланди. Испания чорак финалда!

• 120'

  Дани Ольмонинг зарбасидан кейин тўп устундан қайтди.

• 118'

  Тўп ҳамон испанияликларда. Хорватлар чарчаб қолди.

• 116'
  

  Моратанинг жарима майдони ичидан берган зарбасини дарвозабон қайтарди.

• 114'
  

  Лука Модрич ўз ўрнини Брекалога бўшатиб берди.

• 112'

  Хорватияга гол зарур. Бироқ испанлар тўпни бермаяпти. Бу уларнинг услуби.

• 110'

  Хорватияликлар рақиб ярим майдонида 8 киши бўлиб прессинг уюштирмоқда.

• 108'

  Испанлар тўп назорати орқали рақиб шаштини пасайтиришга уриняпти.

• 107'

  Хорватия ҳужумга ўтишга ўзида куч топмоқда. Ажойиб ўйин!

• 106'
  

  Иккинчи экстра-тайм бошланди. Атиги 15 дақиқа!

• 105'
  

  Биринчи экстра-таймга 1 дақиқа қўшиб берилди.

• 105'

  Жарима майдонига ёриб кирган Мората тўпни йўқотди.

• 103'
  

  ГОООООООООООЛ! Испания яна деярли ҳал этгандек!

  Жарима майдони ичидан аниқ зарба берган Микель Оярсабаль жамоасини ҳисобда олдинга олиб чиқди.

• 103'
  

  Энди хорватлар ҳужумга ташлана бошлади. Крамаричнинг кучли зарбасидан кейин дарвозабон тўпни эгаллаб олди.

• 101'
  

  Серхио Бускетс ўрнига Родри майдонга тушди.

• 100'
  

  ГООООООООООООЛ! Моратааааааааааааааааа!

  Жарима майдони ичидан кучли зарба йўллаган Альваро жамоасини ҳисобда олдинга олиб чиқди.

• 98'

  "Қизил фурия" ташаббусни қўлга олди. Ҳужумлар Хорватия дарвозаси қаршисида уюштирилмоқда.

• 97'
  

  Дани Ольмонинг жарима майдони ичидан берган зарбасини Вида қайтариб қолди! Ҳимоячидан сейв!

• 97'

  Ўйин шиддатли ҳужумлар остида давом этмоқда! 

• 96'
  

  СИМОН! Яқин масофадан берилган зарбани Испания дарвозабони қайтарди.

• 94'

  Жарима майдони ичида тўп Пау Торреснинг қўлига теккандек кўринди. Аммо Чақир бундай деб ҳисобламади.

• 92'

  Оршичнинг зарбасидан кейин стадион ларзага келди! Аммо тўп тўсиндар бир неча сантиметр баланддан ўтиб кетди.

• 91'
  

  Биринчи экстра-тайм бошланди!

• 91'

  Мураббийлар футболчиларга кўрсатма бериб бўлди. "Оловли" 30 дақиқа бизни кутмоқда!

• 90+6'
  

  Ўйиннинг асосий вақти якунланди! Буёғига экстра-тайм!

• 90+5'

  Микель Оярсабалнинг жарима майдони ташқарисидан йўллаган зарбаси кучсиз ва ноаниқ чиқди.

• 90+5'

  Сўнгги сонияларни Энрике шогирдлари ҳужумда ўтказмоқда.

• 90+4'

  Гол ўтказиб юборган испанлар дарҳол олдинга ўта бошлади. 

• 90+2'
  

  ГОЛ! ГОЛ! ГОООООООООООООЛ! Хорватия ҳисобни тенглаштирди!

  Жарима майдонига оширилган тўпни Марио Пашалич боши билан дарвозага киритди.

• 90+1'
  

  Модричнинг узатмасидан кейин Крамарич офсайдда қолиб кетди.

• 90'
  

  Ўйиннинг асосий вақтига 6 дақиқа қўшиб берилди.

• 87'
  

  Ферран Торрес ўз ўрнини Микель Оярсабалга бўшатиб берди.

• 85'
  

  ГООООООООООООООЛ! Хорватия қайтди!

  Жарима майдони ичидаги пала-партишликдан фойдаланган Оршич ҳисобни қисқартирди.

• 83'
  

  Моратага нисбатан қўполлик ишлатган Чалета-Цар огоҳлантирилди.

• 81'

  Ўйин темпи пасайди. Хорватлар ғалабага ишонмай қўйди, чоғи.

• 79'
  

  Коке ўз ўрнини Фабиан Руисга бўшатиб берди.

• 77'
  

  ГОООООООООЛ! Испания ўйин тақдирини деярли ҳал этди!

  Қанотдан катта тезликда ёриб кирган Ферран Торрес тўпни дарвозабоннинг оёқлари ўртасидан ўтказиб, дарвозага киритди.

• 76'
  

  Хосе Гайяга шифокорлар ёрдам кўрсатмоқда.

• 75'

  Ливакович хато қилишига бир баҳя қолди. Аммо тўпни тўхтатишга хато қилган посбон вазиятни тўғирлади.

• 73'
  

  Кокенинг қўлини босиб олган Брозович огоҳлантирилди.

• 72'
  

  Моратанинг голи офсайд туфайли инобатга олинмади. Альваро ўз услубида!

• 71'
  

  Пабло Сарабия ва Эрик Гарсия ўрнига Дани Ольмо ҳамда Пау Торрес майдонга тушди.

• 69'

  Энрике шогирдлари марказда тўпни назорат қилмоқда.

• 67'
  

  Яқин масофадан берилган зарбани Унаи Симон қайтарди.  Хорватия фаоллашди!

• 65'

  Анте Ребичнинг зарбаси кучсиз чиқди. Симон осонлик билан тўпни ушлаб олди.

• 62'

  Хорватия ўйин тизгинини рақибга топшириб қўйди.

• 60'

  Испанлар "очилиб кетди"! Уларни тўхтатиш осон бўлмаяпти.

• 57'
  

  ГОООООООООООЛ! Испанлар ҳисобда олдинга ўтиб олди!

  Қанотдан етказиб берилган тўпни Аспиликуэта дарвозага киритди.

• 54'

  Испания ўз услубида. Улар тўп назоратини ортиғи билан амалга оширмоқда.

• 52'

  Хорватлар рақиб ҳужумларини кичик фоллар эвазига тўхтатишга ҳаракат қилмоқда.

• 50'

  "Қизил фурия" босимни давом эттирмоқда.

• 48'

  Испанлар иккинчи таймда ҳам фаоллик кўрсатмоқда. Жарима зарбасидан оширилган тўпни хорватияликлар қайтарди.

• 46'
  

  Иккинчи тайм бошланди!

• 45'
  

  Танаффус!

• 44'

  Анте Ребич бирга-бир вазиятга чиқиб боришига Унаи Симон йўл қўймади.

• 42'
  

  Меҳмонлар бурчак зарбасидан наф чиқара олмади.

• 40'

  Энрике шогирдларининг фаоллиги давом этяпти.

• 38'
  

  ГООООООООООЛ! Испания ҳисобни тенглаштирди!

  Пабло Сарабия аниқ зарбаси эвазига дарвозани ишғол этди.

• 36'

  "Қизил фурия"нинг фаоллиги тобора ортиб бормоқда.

• 34'
  

  Пабло Сарабия офсайдда қолиб кетди.

• 33'

  Энрике шогирдлари тўп назоратини қайтариб олди.

• 31'

  Испанлардан камбэк! Улар фаолликни оширди.

• 28'

  Златко Далич шогирдлари рақибни майдон марказидан ўтказмаяпти. Қойил!

• 26'

  Матео Ковачичнинг жарима майдони ташқарисидан берган зарбаси тўсин юқорисидан ўтиб кетди.

• 24'

  Влашичнинг ўткир бурчакдан берган кучли зарбаси бироз ноаниқ кетди.

• 22'

  Голдан руҳланган хорватияликлар фаолликни давом эттирмоқда.

• 20'
  

  ГООООООООООООООЛ! Хорватия ҳисобда олдинга ўтиб олди!

  Жамоадоши узатган тўпни Испания дарвозабони ўтказиб юборди. Шармандали автогол!

• 19'

  Қанотдан оширилган тўпни Мората дарвозага йўллади. Видага теккан тўп дарвозабоннинг қўлига боиб тушди.

• 17'

  Хорватияликлар рақибни ўз жарима майдонидан узоқроқ ушлашга ҳаракат қилмоқда.

• 15'
  

  Кокенинг бирга-бир вазиятдан берган зарбасини дарвозабон қайтарди.

• 13'

  Пабло Сарабиянинг кучли зарбаси бироз ноаниқ кетди.

• 11'

  Футболчилар ўзаро бироз қўполроқ муносабатда бўлмоқда. Натижанинг аҳамияти юқорилиги бунга сабаб.

• 9'

  Ферран Торресга нисбатан жарима майдони яқинида қўполлик ишлатилди. Испанияда стандарт вазият.

• 7'
  

  Гвардиолга тиббий ёрдам кўрсатилди.

• 6'

  Стандартдан оширилган тўпни номинал мезбонлар узоқлаштирди.

• 4'

  Хорватлар рақибга тўп назоратини топшириб қўйгандек. Улар ҳимояланишни маъқул кўрмоқда.

• 2'

  Одатдагидек, испанлар илк сонилардан тўп назоратини қўлга олишга ҳаракат қилмоқда.

• 1'
  

  Ўйин бошланди!

• 0'

  Футболчилар майдонга тушиб келди. Сардорлар иштирокидаги расмий жараёнлар ортда қолди.