Евро-2020. 6 та гол урилган ўйинда Швейцария пенальтилар сериясида Францияни мағлуб этди

Европа чемпионати нимчорак финал босқичидан ўрин олган Франция ва Швейцария жамоалари ўртасидаги учрашув якунига етди. Унда швейцарияликлар пенальтилар сериясида 5:4 ҳисобида ғалаба қозонди.

Дастлаб, Харис Сеферович ҳисобни очди. Бу голга "уч ранглилар" 3 аниқ зарба билан жавоб қайтаришга муваффақ бўлди. 9 дақиқа ичида тарози паллаларини тенглаштирган швейцарияликлар ўйинни пенальтилар сериясига қадар олиб борди.

Футбол лотереясида ҳар икки томон 4 тадан зарбани аниқ йўллади. 5-уринишда Швейцариядан Мехмеди гол урган бўлса, Францияда Мбаппенинг зарбасини Зоммер қайтарди.

Шундай қилиб, Швейцария нимчорак финал босқичида турнирнинг асосий фаворитини турнир билан хайрлашишга мажбур этди.

• 120'
  

  Учрашув якунланди. Швейцария чорак финалда.

• 120'
  

  СЕЙВ! Мбаппе пенальтидан гол ура олмади!

• 120'
  

  ГОЛ! Мехмеди ўнг бурчакни ишғол этди!

• 120'
  

  ГОЛ! Кимпембенинг чап бурчакка йўллаган кучли зарбаси голга айланди!

• 120'
  

  ГОЛ! Варгаснинг зарбасидан кейин Льорис тўпни қайтарди. Аммо тўп дарвоза тўридан жой олди!

• 120'
  

  ГОЛ! Маркус Тюрамнинг ўнг бурчакка берган зарбасидан кейин тўп йўналишини топган Зоммер уни қайтара олмади!

• 120'
  

  ГОЛ! Аканжи чап бурчакка ўта аниқ зарба берди!

• 120'
  

  ГОЛ! Жиру ҳам ўнг бурчакни аниқ нишонга олди!

• 120'
  

  ГОЛ! Ўнг бурчакка оҳиста зарба йўллаган Фабиан Шер дарвозабонни алдади!

• 120'
  

  ГОЛ! Чап бурчакка кучли зарба берган Погба дарвозабонга умуман имконият қолдирмади!

• 120'
  

  ГОЛ! Ўзидан чап томонга кучли зарба берган Гавранович гол урди!

• 120+1'
  

  Асосий вақт якунланди. Барчасини футбол лотереяси ҳал қилиб беради!

• 120'

  Гранит Жаканинг стандартдан йўллаган зарбаси ноаниқ кетди.

• 119'
  

  Жирунинг бош билан йўллаган зарбасини Зоммер ушлаб олди.

• 117'

  Томонлар пенальтилар сериясига тайёргарликни бошлади. Темп паст.

• 115'

  Варан ҳужумга югураётган икки рақибини тўхтатди ва тўпни жамоасида олиб қолди.

• 113'

  Иккинчи овертайм францияликларнинг тўлиқ устунлигида ўтмоқда.

• 111'
  

  Кингсли Коман ўрнига Маркус Тюрам ўйинга қўшилди.

• 110'

  Бу сафар яқин масофадан зарба берган Мбаппе мўлжалда адашди. Бу ҳам етмагандек, у оёғини қайириб олди.

• 109'

  Килиан Мбаппенинг зарбасидан кейин тўп устун ёнгинасидан ўтиб кетди.

• 108'
  

  Поль Погбага нисбатан қоида бузган Аканжи огоҳлантирилди.

• 106'
  

  Иккинчи экстра-тайм бошланди!

• 105'
  

  1-экстра-тайм якунланди!

• 103'
  

  Меҳмонлар бурчак тўпини зарба билан якунлашга муваффақ бўлди. Мехмедининг уринишига аниқлик етишмади.

• 102'

  Хавф гоҳ Льорис, гоҳ Зоммер дарвозаси олдида юзага келмоқда.

• 100'

  Ўйин шиддатли ҳужумлар ва кескин курашларга бой тарзда ўтмоқда.

• 99'
  

  Коман зарба бериш мобайнида оёқ пайларини жароҳатлаб олган кўринади. Унга тиббий ёрдам кўрсатилмоқда.

• 98'

  Кингсли Команнинг ўткир бурчакдан берган зарбаси ноаниқ кетди.

• 97'

  Варан жамоасини анча хавфли вазиятдан қутқариб қолди. Рафа дарвоза чизиғи олдига узатилган тўпни узоқлаштирди.

• 96'
  

  Сеферович ўрнига Фабиен Шар майдонга тушди.

• 95'
  

  ВАУ! Паварнинг яқин масофадан берган зарбасини Зоммер қайтарди. Даҳшатли темп!

• 94'
  

  Бензема ўрнига Жиру майдонга тушди.

• 93'
  

  Карим Бензема ўзини ноқулай ҳис қилмоқда. 

• 91'
  

  Бенжамин Павар огоҳлантирилди.

• 91'
  

  1-экстра тайм бошланди!

• 90+5'
  

  Асосий вақт якунига етди. Экстра-таймларга мурожаат қиламиз.

• 90+4'

  Франция ғалабани илиб кетиши мумкин эди! Команнинг жарима майдони ичидан берган зарбаси тўсиндан қайтди.

• 90+2'

  Жарима майдонига ёриб кирган Канте тўпни олдириб қўйди. У ҳимояланиш борасида фойдалироқ, назаримда.

• 90'
  

  Ўйиннинг асосий вақтига 4 дақиқа қўшиб берилди.

• 90'
  

  ГОООООООООООООЛ! ГООООООООООООООООООООООЛ! Швейцария!

  Гаврановичнинг зарбасидан кейин Льорис жамоасини голдан сақлаб олмади.

• 88'
  

  Пенальтидан гол ура олмай жамоасига панд берган Родригес ўрнига Мехмеди ўйинга қўшилди. Шунингдек, Франция сафида Гризманн ўз ўрнини Мусса Сиссокога бўшатиб берди.

• 87'

  Рабьони алдай олмаган Мбабу ҳужумда қўполлик ишлатди.

• 85'
  

  ГОЛ! ЙЎҚ? Офсайд! Яқин масофадан дарвозани ишғол этган Гавранович ўйиндан ташқари ҳолатда қолиб кетган экан.

• 83'

  Рабьонинг кучли зарбаси ноаниқ кетди.

• 81'
  

  ГООООООООООООЛ! Швейцария қайтмоқда!

  Жарима майдонига оширилган тўпни Сеферович дарвозага жойлаб қўйди.

• 79'

  Ўйин темп пасайди. Тўп французлар назорати остида бўлиб турибди.

• 77'

  Ҳозирги гол ўйинга қайтишга ҳаракат қилаётган Швейцарияни чўктирди.

• 75'
  

  ГОООООООООООЛ! Погбууууум!

  Поль Погбанинг олис масофадан берган супер зарбаси дарвозанинг тўққизлик бурчагидан жой олди.

• 74'

  Кингсли Команнинг зарбаси аниқ лекин кучсиз чиқди.

• 73'
  

  Силван Уидмер ўз ўрнини Мбамбуга бўшатиб берди.

• 71'

  Францияликлар кетма-кет икки бурчак зарбасидан наф чиқара олмади.

• 69'

  Эльведи ўз дарвозасини ишғол этиб қўйишига бир баҳя қолди. Унинг бахтига дарвозабон томон узатилган тўп дарвоза томон бормади.

• 68'

  Тўпга Мбаппедан олдин Зоммер етиб келди.

• 66'
  

  Шакирининг узатмасидан кейин Эльведи офсайдда қолиб кетди.

• 65'

  "Уйғонаётган", "ўйинга қайтаётган" Петкович шогирдлари буни тўп назорати билан амалга оширмоқчи.

• 63'

  Швейцарияликлар руҳий тушкунликка тушиб қолди.

• 61'

  Мбаппе иккинчи таймда супер ўйин кўрсатмоқда. У ҳар икки голда қатнашди ва тўхташни истамаяпти.

• 59'
  

  ГООООООООООООООЛ! Бенземааааааааааааааааа!

  Гризманнинг зарбасидан кейин дарвозабондан қайтган тўпни Карим бўш қолган дарвозага киритди.

• 57'
  

  ГООООООООООООЛ! Французлар ҳисобни тенглаштирди!

  Мбаппенинг узатмасидан кейин тўпни супер ижро билан ўзига бўйсундирган Бензема аниқ зарбаси билан дарвозани ишғол этди.

• 56'

  Мбаппе узоқ бурчакни нишонга олди. Бироқ тўп етарлича айланмади.

• 55'
  

  СЕЙВ! Ўзидан ўнг томонга отилган Льорис тўп йўналишини топди.

• 53'
  

  Цуберга нисбатан жарима майдонида қўполлик ишлатилган. ВАРни кўрган ҳакам пенальти белгилади!

• 52'

  Швейцарияликлар рақибдан фаолроқ ўйнамоқда! Ишониш қийин, аммо шундай.

• 50'

  Меҳмонлар яна гол уриши мумкин эди. Аммо Эмболонинг узатмасидан кейин ҳимоячилар тўпни бўш қолган дарвоза қаршисида турган Сеферовичга ўтказмади.

• 48'

  Антуан Гризманнинг кучли зарбасидан кейин тўп устун ёнидан ўтиб кетди.

• 46'
  

  Иккинчи тайм бошланди!

• 46'
  

  Бўлимлар оралиғида Францияда ўзгариш: Лангле ўрнига Кингсли Коман майдонга тушди.

• 46'

  Футболчилар қайтди. Биз ҳам қайтамиз!

• 45+3'
  

  Танаффус!

• 45+1'
  

  Адриен Рабьо Эмболога нисбатан қоида бузди. Швейцариялик футболчига тиббий ёрдам кўрсатилмоқда.

• 45'
  

  Биринчи таймдаги тўхталишлар ўрнини қоплаш мақсадида 2 дақиқа қўшиб берилди.

• 43'

  Мбаппенинг чап оёқда йўллаган зарбасига аниқлик етишмади.

• 42'

  Меҳмонларнинг ҳужумлари зарбасиз якунланмаяпти. Ноаниқ бўлса-да уриниш бор.

• 40'

  Сўнгги дақиқаларда скандинавияликлар анча фаоллашиб қолди.

• 37'

  Ҳакам футболчиларга томоқ ҳўллаб олиш имкониятини тақдим этди.

• 35'

  Французлар яхши ҳужумлар уюштирмоқда. Аммо уларни якунловчи футболчи етишмаяпти.

• 33'

  Қарши ҳужумга ўтаётган Эмболони Погба қўполлик эвазига тўхтатди. Бу сафар ҳакам оғзаки огоҳлантириш билан чекланди.

• 31'

  Шакирининг узатмасидан кейин Эмболо бироз тўпга ета олмади.

• 30'
  

  Цуберни ўтказиб юборган Варан қўполлик ишлатди. Ҳакам унга сариқ карточка кўрсатди.

• 28'

  Адриен Рабьонинг кучли зарбасидан кейин тўп устун ёнгинасидан ўтиб кетди.

• 26'

  Мбаппенинг кучли зарбасидан кейин тўп жонли девордан қайтди. Такрорий уринишни амалга оширган Килиан мзлжалда адашди.

• 25'

  Жарима майдони яқинида тўп Фройлернинг қўлига тегди. Францияда стандарт вазият.

• 24'

  Дешам шогирдлари рақиб жарима майдони атрофида тўпни ушлаб турибди.

• 22'

  Рабьонинг жарима майдони марказига оширган тўпини бўш қолган дарвозага йўллайдиган француз топилмади.

• 19'

  Франция фаолроқ ўйнаяпти. Аммо хавфли зарбадан дарак йўқ.

• 17'

  Гризманнга нисбатан қоида бузилди. Стандарт вазият.

• 15'
  

  ГООООООООООЛ! Швейцария ҳисобни очди!

  Жарима майдонига оширилган тўпни Сеферович дарвозага киритди.

• 14'

  Тўп назорати "уч ранглилар" томонда. Рақиб тартибли ҳимояланмоқда.

• 12'

  Илк дақиқалардаги темп бироз пасайди. Томонлар эҳтиёткорликни биринчи планга чиқарди.

• 10'

  Фройлернинг қанотдан оширган тўпига Сеферович ета олмади.

• 8'

  Эмболо фаол ҳаракатлари билан бурчак зарбаси ишлаб олди. Унга қаршилик кўрсатган Варан тўпни олиб қўя олмади.

• 6'

  Жарима майдони ичида Бензема тўпни тўхтата олмади. Ҳимоячилар хавфни бартараф этди.

• 4'

  Кутилганидек, ўйин Дешам шогирдлари фаоллиги остида кечмоқда.

• 2'
  

  Баҳсни фаол бошлаган французлар хавфли вазяит яратди. Вараннинг бош билан йўллаган зарбаси тўсин юқорисидан ўтиб кетди.

• 1'
  

  Ўйин бошланди!

• 0'

  Ҳар икки жамоа сардорлари иштирокидаги расмий жараёнлар ортда қолди. Старт учун барчаси тайёр!

• 0'

  Футболчилар майдонга тушиб келди. Миллий мадҳиялар куйланмоқда.