"Евро-2020" мезбонлиги учун яна бир даъвогар пайдо бўлди

"Евро-2020" бир мамлакатда ўтказилиши мумкин. "Daily Mail" нашрининг хабар беришича, Англия футбол ассоцияцияси бу борада УЕФА билан музокаралар олиб бормоқда.

Маълумки, коронавирус пандемияси туфайли турнирни 11 мамлакатда ўтказиш ўрнига муқобил вариантлар ўрганилмоқда. Шу билан бирга, стадионларга киришдан олдин мухлисларни COVID-19 учун синовдан ўтказиш тизимини ишлаб чиқиш орқали ўйинларни томошабинлар билан ўтказиш режалаштирилмоқда.

Маълумот учун, Буюк Британиядан Англия, Уэльс ва Шотландия "Евро-2020" йўлланмасини нақд қилган. Турнир 2021 йилнинг 11 июнида бошланади ва 1 ой давом этади.