"Евро-2024" доирасидаги Бельгия - Швеция учрашуви қайта ўтказилмайдиган бўлди

Ҳафта бошида Европа чемпионати саралашидан ўрин олган Бельгия ва Швеция терма жамоалари ўртасидаги ўйин биринчи бўлимдан кейин тўхтатилди. Гап шундаки, стадиондан унча узоқ бўлмаган жойда теракт содир бўлди – Швеция терма жамоасининг икки мухлиси отиб ўлдирилди. 

Бельгия ва Швеция футболчилари 1:1 ҳисобида танаффусга чиқишди. УЕФА матбуот хизмати хабар беришича, бу ҳисоб инобатга олинди ва жамоалар ўйинни қайта ўтказмайдиган бўлди. Ҳар бир термага 1 очкодан берилди.