Европа Чемпионлар лигасида қайси жамоа ғолиб чиқишини айтишди

Статистикага ихтисослашган Opta маркази мутахассислари суперкомпьютер ёрдамида Европа Чемпионлар лигасининг янги мавсумида қайси жамоа ғолиб чиқишини ҳисоблаб чиқди.

Opta Analyst тарқатган маълумотга кўра, қитъанинг энг нуфузли мусобақасида “Ливерпуль”нинг ғалаба қозониш имконияти энг юқори баҳоланди. Сунъий интеллект Арне Слот жамоасининг ғалабасига 20,4 фоиз кўрсаткич берди.

Кейинги натижа “Арсенал”га тегишли бўлиб, лондонликларнинг бош совринни қўлга киритиш имконияти 16 фоизга тенглиги айтилмоқда.

Халқаро турнирнинг амалдаги ғолиби “Пари Сен-Жермен”нинг чемпионликни сақлаб қолиш имконияти 12,1 фоизга тенг экан.

“Ливерпуль” Чемпионлар лигасининг умумий “Атлетико Мадрид”, “Галатасарой”, “Айнтрахт”, “Реал Мадрид”, “ПСВ Эйндховен”,  “Интер”, “Марсель” ва “Карабах” билан куч синашиши белгиланган.