Европа Лигаси: куннинг энг муҳим баҳслари превьюси

«Интер» - «Хетафе»

maxresdefault_170 (1)_1

«Интер»: Амалдаги Италия вице-чемпиони жорий мавсум аввалидаги УЕФА рейтингида 51-ўринда қайд этилиб, евромайдондаги иштирокини Чемпионлар Лигаси гуруҳ босқичидан бошлаган. «Барселона» ва «Боруссия» Дортмунддан кейинги учинчи поғонада қолиб кетган миланликлар Европа Лигасига равона бўлди. «Неррадзурилар» 1/16 босқичда «Лудогорец»ни умумий 4-1 ҳисобида таслим этди. «Хетафе»га қарши учрашув биттагина ўйиндан иборат бўлади.
«Интер» ўз тарихида 3 марта (1990/91, 1993/94 ва 1997/98) ушбу турнирда зафар қучган.

Таркиб: Ханданович, Годин, Де Врей, Бастони, Кандрева, Барелла, Брозович, Янг, Гальярдини, Лаутаро, Лукаку.
Дисквалификация хавфи остида: Барелла, Кандрева, Годин
Таркибга қўшилганлар: Люсьен Агуме
Клубдан кетганлар: Матиас Весино

Интер состав

«Хетафе»: Испанияликлар УЕФА рейтингида 76-рақамли жамоа бўлиб турибди. Ла Лигада улар сўнгги турларда кўп очколарни бой бериб, 8-поғонага тушиб қолди ва келгуси мавсум учун евромайдон йўлланмаларидан мосуво бўлди. Хосе Бордалас шогирдларида Европа Лигасини ютиб, биратўла Чемпионлар Лигасида қатнашиш имконияти бор. Бунинг учун энг катта тўсиқлардан бирига бугун тунда дуч келишади. Ушбу улкан ғовдан ўта олган тақдирда, клуб ўз тарихидаги энг яхши натижани такрорлаб, чорак финал босқичида иштирок этади.

Таркиб: Сориа, Дамиан Суарес, Жене, Тимор, Оливейра, Нйом, Арамбарри, Максимович, Кукурелья, Мата, Молина.
Дисквалификация хавфи остида: Анхель, Фажр, Мата, Нйом.
Таркибга қўшилганлар: Эрик Кабако, Этебо, Ндиайе.
Клубдан кетганлар: Дейверсон, Кенеди.

Хетафе состав

Антонио Конте («Интер» бош мураббийи): Ўйлайманки, биз ушбу учрашувда чемпионлик томон дадил қадамни қўя оламиз. Биз қийин рақибга қарши ҳаракат қилишимизни сезиб турибмиз. Мақсадимиз чемпионлик экан, ҳар қандай рақибни енгишимиз керак. Биз «Хетафе»ни кўп жиҳатдан ўрганиб чиқдик. «Барселона», «Реал» ва «Атлетико» каби жамоалар ҳам ички чемпионатда уларга қарши ўйинларда анча қийналган. Улар узун паслар орқали жисмоний бақувват ҳужумчиларининг устунлигидан фойдаланишга урунишади. Биз эса, майдонда улардан кучлироқ эканимизни исботлаш учун ҳаракат қиламиз.

антонио конте

Хосе Бордалас («Хетафе» бош мураббийи): Биз мавсум давомида осон ўйинларга дуч келмадик. Тарихий жамоага қарши ўйнаш арафасидамиз. Мана шундай баҳслар футболчиларнинг ҳақиқий даражасини белгилаб беради. Скудетто учун кураш олиб борган жамоага қарши беллашувда анчагина қийинчиликларга дуч келишимиз тайин. Футболчиларим жисмонан ва руҳан тайёрлар. Биз «Интер»га қарши ўйнаётганимизнинг ўзи – мотивация.

Бордалас

«Интер» бу мавсумда анча сахий жамоа сифатида намоён бўлди. Бироз совуққонлик билан ҳаракат қилганда, балки бугун «неррадзурилар» «Хетафе»ни Италия чемпиони сифатида қабул қилиши мумкин эди. Шу ўринда, «Хетафе»нинг рестартдан кейинги ўйинлари ҳақида ҳам илиқ фикрлар билдира олмаймиз. Чемпионлар Лигаси йўлланмаси учун курашаётган клуб сўнгги турдаги мағлубият орқали Европа Лигасидан ҳам қуруқ қоладиган бўлди. Аммо «Аякс»ни ғоят қийин ўйинда мағлуб этиб, ушбу босқичга етиб келгани бироз умид уйғотмоқда.

Интер - Хетафе

«Манчестер Юнайтед» - ЛАСК

1596614670_manchester-united-lask_1

«Манчестер Юнайтед»: Манкунианлар УЕФА рейтингида 9-ўринда, Европа Лигаси клублари орасида эса биринчи ўринда қайд этилган. Оле-Гуннар Сульшер шогирдлари премьер-лига бронза медалларини қўлга киритиб, келгуси мавсум учун Чемпионлар Лигаси гуруҳ босқичини нақд қилишди. «Л» гуруҳи ғолиблари плей-оффнинг дастлабки босқичида «Брюгге»ни 6:1 ҳисобида таслим этди. МЮ ушбу мусобақа чемпионлигини 2016/17 йилги мавсумда қўлга киритган.
Таркиб: Ромеро, Уильямс, Магуайр, Байи, Фосу-Менса, Фред, Жеймс, Лингард, МакТоминей, Мата, Игало

МЮ состав

ЛАСК: УЕФА рейтингида Австрия клуби 103-ўринда, Европа Лигасида эса 16-поғонада турибди. Миллий чемпионатни клуб 4-поғонада якунлади. «Д» гуруҳини биринчи ўринда якунлаб, Нидерландиянинг «АЗ» клубини 3-1 ҳисобида енгган жамоа бугун «қизил иблислар» синовидан ўтади. Ушбу мавсумда ЛАСК ўз тарихидаги энг яхши натижани қайд этмоқда.
Таркиб: Шлагер, Вайзингер, Траунер, Андраде, Ранфль, Холланд, Микорл, Ренне, Фрайзер, Балич, Рагуз.
Дисквалификация хавфи остида: Ранфль, Ренне, Траунер, Вайзингер.

ЛАСК

Оле Гуннар-Сульшер: «Биз қийин ўйин олдида турганимизни яхши англаганмиз. Биринчи ўйиндаги ҳисоб (5:0) ўйинга мос эмасди. Сўнгги 3 голни охириги 5 дақиқада урдик. Бугун биз ростдан ҳам устунлигимизни намойиш этишимиз керак».

Сульшер

Доминик Талхаммер: «Биз натижа ҳақида ўйламаяпмиз, ривожланиш энг муҳими. Бу каби буюк клубга қарши бу каби буюк майдонда ўйнаш ажойиб. Биз чиройли футбол кўрсатишни истаймиз».

Талхаммер

Биринчи учрашувдаги ҳисоб барча саволларга жавоб бериб турибди. Мураббийлар ҳам интрига юқори бўлмаган ушбу баҳс ҳақида кўп тўхталишни истамади. Бугун иккала жамоадан ҳам очиқ, ҳужумкор ва голларга бой ўйин кутишга ҳақлимиз.

picture_2

Абдулвосид Валихонов тайёрлади

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар