Европа лигаси. "Шахтёр" - "Базель": Матнли трансляция

  • 90+5'

    Учрашув якунланди. "Шахтёр" ярим финалда. Ушбу матнли трансляцияни Жавоҳир Азимов олиб борди.

  • 90+4'

    Ўйин охирида номинал меҳмонлар ҳисобни яна битта голга қисқартириши мумкин эди. Бироқ Пулулунинг зарбасини Пятов ушлаб олди.

  • 90+2'

    ГООООООООООЛЛЛЛЛЛЛЛ!

    Ва ниҳоят! "Базель" футболчилари жавоб тўпини йўллашди. Рикки қанотдан ошириб берилган узатмани бўш қолган дарвозага киритди.

  • 90'

    Майкл Оливер ўйиннинг асосий вақтига 4 дақиқа қўшиб берди.

  • 88'

    ГООООООООООЛЛЛЛЛЛЛ!

    Рақиб дарвозабони билан бирга-бир вазиятга чиқиб борган Додо узоқ бурчакка аниқ зарба берди.

  • 86'

    "Кончилар" сафида ҳам 3 нафар ўйинчи бир вақтда майдонни тарк этди: Жуниор Мораес, Антонио ва Тайсон ўйинни қолгн қисмини захира ўриндиғида кузатади. Уларнинг ўрнида Тете, Майкон ҳамда Дос Сантос баҳсни якунлаб қўяди.

  • 82'

    Ҳеч бўлмаса йирик ҳисобдан қутулиш учун "Базель" вакиллари ҳужумга ўтмоқда. Бироқ имкониятлар ярата олишмаяпти.

  • 78'

    Гол муалифи Патрик ўйиндан олинди. Унинг ўрнида Виктор Коваленко ҳаракат қилади.

  • 75'

    ГООООООООООЛЛЛЛЛЛЛ!

    Тўп қаршисига яқинлашган Аллан Патрик дарвозабонни ожиз қолдириб, ҳисобни йирик кўринишга келтирди.

  • 74'

    Тайсоннинг ажойиб рейди оқибатида яқиндагина майдонга тушган Маршан уни чалиб йиқитди. Оливер ҳеч иккиланмай 11 метрлик нуқтага ишора қилди.

  • 73'

    "Базель" мураббийидан бир вақтда учта ўзгариш: майдонда ҳаракат қилган Кабраль, Штокер, Ван дер Вирф ўрнига Адеми, Рикки ҳамда Родригес туширилди.

  • 72'

    Ўйиннинг энг фаол футболчиларидан бири Марлос захирага олинди. Энди унинг ўрнида Манор Соломон ҳаракат қилади.

  • 69'

    Бу сафар жарима майдончаси ичида тўп "Шахтёр" ҳимоячисининг қўлига тегди. Ҳакам вазиятни пенальтига етарли эмас, деб баҳолади.

  • 66'

    Тўпни дарвозабон устидан ошириб тепган Кабраль мўлжалда бироз адашди.

  • 63'

    Жарима майдончаси ичида Кабраль яккакурашда қатнашди. Унга нисбатан бироз қўпол ҳаракат оқибатида йиқилиб тушди. Оливер жим.

  • 61'

    Матвиенко оёқларига ортдан зарба берган "Базель" сардори Штокерни ҳакам ҳозирча оғзаки равишда огоҳлантирди.

  • 61'

    Матвиенкога нисбатан қўпол ўйнаган "Базель" сардори Штокер бу суфар оғзаки огоҳлантириш олди.

  • 60'

    Бироз аввал жароҳат олган Жака ўйинни давом эттира олмаслиги ойдинлашди. Унинг ўрнига Янник Маршан туширилди.

  • 58'

    Қарши ҳужумга ўтган Марлосни Пулулу қоидага зид рақишда тўхтатди. Қулай позициядан жарима зарбасини ижро этган номинал меҳмонлар вазиятни бой беришди.

  • 55'

    Майдон марказида Жака ўзининг дриблингини намойиш этди. Жуниор Мораес эса уни жароҳатлантирди.

  • 53'

    Тезкор қарши ҳужумга интилаётган рақибини қўллари билан ушлаб қолган Патрик огоҳлантирилди.

  • 52'

    Икки нафар рақибини алдаб, жарима майдончасига кирган Тайсон зарба позициясини йўқотди.

  • 50'

    Ўнг қанотдан Видмер юқорилатиб узатма амалга оширди. Олдинроққа чиққан Пятов тўпни ушлаб олди.

  • 48'

    "Кончилар" ҳам ўйиндан ташқари ҳолатда қолиб кетди.

  • 47'

    Кампонинг қулай узатмасини Артур Кабраль ўзига бўйсундира олмади. Вазият қўлдан кетди.

  • 46'

    Тайм бошида олдинга ўтган швецарияликлар офсайдда қолди.

  • 46'

    Жамоалар майдонга қайтишди. Иккинчи бўлим бошланди!

  • 45+1'

    Танаффус!

  • 45'

    Арбитр 1-таймга 1 дақиқа қўшиб берди.

  • 44'

    Артур Кабральнинг зарбаси тўсин юқорисидан ўтиб кетди.

  • 43'

    Бу сафар ўйиндан ташқари ҳолатда Жуниор Мораес.

  • 42'

    Ён чизиқда катта тезликда тўпга интилган Додо ён ҳакамни ҳам туртиб юборди.

  • 40'

    Қарши ҳужумни супер зарбаси билан якунлаган Маркос Антонионинг тепган тўпи тўсинга тегиб қолди.

  • 38'

    Узоқ масофадан чап оёқда дарвозани мўлжалга олган Марлоснинг зарбасини рақиб поосбони қайтарди.

  • 37'

    Ҳимоячилар ортидан югуриб чиққан Кабраль ўйиндан ташқари ҳолатда.

  • 35'

    Марлоснинг узатмасини ушлаб олишда Николич хатога йўл қўйди. Бироқ атрофдаги жамоадошлари вазиятни енгиллаштиришди.

  • 33'

    Пулулунинг қанотган оширган узатмасини тажрибали Пятов эгаллаб олди.

  • 32'

    Жарима зарбасини ижро этган Марлоснинг уриниши Николич томонидан қайтарилди.

  • 30'

    Петреттани донецкликлар майдон марказидаёқ зарарсизлантиришди.

  • 28'

    21 ёшли Пулулу бурчакда техник ҳаракатлари билан бурчак зарбаси ишлаб олди.

  • 27'

    Катта тезликда олдинга югураётган Тайсонни ортдан йиқитган Фрай бош ҳакам Оливер томонидан огоҳлантирилди.

  • 26'

    Тайсоннинг зарбасини Николич эгаллаб олди.

  • 24'

    Биринчи 45 дақиқалик ярмида энг фаол ўйин кўрсатган футболчи Тайсон бўлиб турибди.

  • 23'

    Пулулу воқеалар ривожидан илгарилаб кетди.

  • 22'

    ГООООООООООЛЛЛЛЛЛЛ!

    Идеал қарши ҳужум гол билан якунланди. Марлоснинг навбатдаги қулай пасидан сўнг Тайсон дарвозани ишғол қилди.

  • 20'

    Патрик чап қанотдан марказда турган шеригига тўп оширди. Мораеснинг зарбаси тўсин юқорисидан ўтиб кетди.

  • 17'

    Видмернинг зарбаси ҳимоячиларга теккан ҳолда, майдондан чиқиб кетди. Стандарт вазият ҳам муваффақиятсиз якунланди.

  • 15'

    "Кончилар" майдон марказида тўп назоратини қўлга олмоқда.

  • 14'

    Марлос навбатдаги сафар бурчак тўпини амалга оширди. Вазият бартараф этилди.

  • 13'

    Чап қанотдан ёриб кирган Пулулунинг зарбаси устун олдидан ўтиб кетди.

  • 11'

    Хавфли ҳужумга ўтган Патрикни рақиб ҳимоячиси чалиб йиқитди. Жабрланувчининг ўзи жарима зарбасини ижро этди. Ноаниқ. 

  • 9'

    Бурчакдан узатма оширган Марлоснинг уринишини жамоадошлари эгаллай олмади.

  • 6'

    Яна бир бор "Базель" футболчилари яхши ҳужум уюштиришди. Бироқ вазият зарбагача етиб бормади.

  • 4'

    Номинал меҳмонлар голга ҳавфли ҳужум билан жавоб бера олишди.

  • 2'

    ГООООООООООЛЛЛЛЛЛЛ!

    Марлоснинг узатмасини Жуниор Мораес дарвозага йўллаб, ҳисобни очди. "Базель" посбони тўпга чиқишда қўпол хатога йўл қўйди.

  • 2'

    Донецликлар ўйин бошида бурчак зарбаси ишлаб олишди.

  • 1'

    Учрашув бошланди!

  • 0'

    Жамоалар майдонга тушиб келишди. Ўйин 1 дақиқалик сукут билан бошланади.

Фикрлар

Саралаш
Фикр қолдириш учун авторизациядан ўтинг!