Evropa ligasi yarim final javob uchrashuvlarini boshqaradigan hakamlar e’lon qilindi

Xabaringiz bor ertaga Evropa ligasi yarim final javob bahslari bo‘lib o‘tadi. UEFA esa ushbu bahslarni boshqarib boradigan referilar nomini e’lon qildi.

Tashkilot rasmiy sayti tarqatgan xabarga ko‘ra "Valensiya" va "Arsenal" uchrashuvini gollandiyalik Danni Makkeli boshqarib boradi. Unga qanotlarda Mario Diks va Xessel Steegstrlar yordam berishadi. Zaxiradagi hakam sifatida esa Sergey Karasyov ishlaydi.

Londonda bo‘ladigan "Chelsi" - "Ayntraxt" o‘yini esa ruminiyalik Ovidi Xatseganga ishonib topshirildi. Unga hamyurtlari - Oktavian Shovre va Sebastyan Georgelar yordam berishadi. To‘rtinchi hakam sifatida esa chexiyalik Pavel Kralovets ishlaydi.