Европа Лигаси ярим финали. Манчестерда голлар шоуси, Вильярреалда "триллер"

Ҳозиргина Европа Лигаси ярим финалининг иккита беллашуви ўз якунига етди. Уларнинг биринчиси Манчестер шаҳрида ўтиб, мезбон "Манчестер Юнайтед" "Рома"ни қабул қилди. Учрашув "манкуниянлар"нинг 6:2 ҳисобидаги ғалабаси билан якунланди. 

Яна бир беллашувда "Вильярреал" "Арсенал"га қарши кураш олиб борди. Дастлаб, 2 та гол билан олдинга чиқиб олган испанларнинг иши Дани Себальоснинг қизил карточкасидан кейин анча осон кечиши керакдек эди. Аммо "сариқ сувочти кемаси" ярим ҳимоячиси Этьен Капу иккинчи сариқ карточкани ишлаб олиб, майдондаги футболчилар сонини тенглаштириб қўйди. Бироз аввал, Николья Пепе пенальтидан унумли фойдаланиб, ҳисобни қисқартирганди. Шу тариқа, Лондондаги баҳс қиймати жуда ошиб кетди. 

Ярим финал жавоб тўқнашувлари 7 май санасида бўлиб ўтиши режалаштирилган.