Европа лигасида ҳафта футболчиси бўлишга номзодлар эълон қилинди

Хабарингиз бор кеча Европа лигасида чорак финалнинг дастлабки учрашувлари бўлиб ўтди. УЕФА расмий сайти эса ҳафтанинг энг яхши футболчиси бўлишга номзод ўйинчиларни эълон қилди.

Унга кўра «Айнтрахт»га (4:2) қарши ўйинда хет-трик қайд этган “Бенфик” вингери Жоау Фелиш, «Наполи»га (2:0) қарши ўйинда ғалаба голига муаллифлик қилган «Арсенал» хавбеки Аарон Рэмзи, «Славия» га (1:0) қарши ўйинда ягона голга ассистентлик қилган «Челси» вингери Виллиан ҳамда «Вильярреал»га (3:1) қарши учрашувда дубль қайд этган «Валенсия» ярим ҳимоячиси Гонсалу Гедеш мусобақанинг ҳафта футболчиси бўлишга номзод ҳисобланади.

Эслатиб ўтамиз, ғолиб номи УЕФА расмий сайтида мухлислар ўртасида ўтказиладиган сўровнома якунларига кўра эълон қилинади.