Европа лигасида ҳафта футболчиси номи эълон қилинди

Каталониянинг "Эспаньол" клуби форварди Хонатан Кальери Европа лигасида ҳафтанинг энг яхши футболчиси деб топилди. Бу ҳақда УЕФА расмий сайти хабар тарқатмоқда.

Таъкидлаш керакки, Кальери "Вулверхэмптон"га (3:2) қарши ўйинда хет-трик қайд этган эди. Айнан унинг голлари ҳисобига каталонияликлар 1/8 финалга чиқишди.

Маълумот учун, Кальери жорий мавсум 24 та ўйинда майдонга тушди ва 5 та гол ҳамда 3 та голли узатмага муаллифлик қилди.