Европада яна бир лига ўйинлари қачондан давом эттирилиши эълон қилинди

Австрия Бундеслигасида мавсум қачондан давом эттирилиши маълум бўлди.

AFP нашр тарқатган хабарга кўра, коронавирус пандемияси туфайли тўхтатиб қўйилган чемпионат 2 июндан давом эттирилади. Учрашувлар мухлисларсиз ўтказилади ва мавсум эртароқ якунланиши учун жамоалар ҳар 3 кунда ўйин ўтказади.

"Ред Булл" ва "Аустрия" (Лустенау) жамоалари ўртасидаги мамлакат кубоги финали эса 30 май куни бўлиб ўтади.

Матнда хатолик топсангиз, ўша хатони белгилаб, бизга жўнатинг (Ctrl + Enter)