Тезкор: Мисрнинг машҳур юлдузи Ўзбекистонга қарши ўйнамайдиган бўлди

2026 йилги жаҳон чемпионатига йўлланма олган Ўзбекистон, Миср, Эрон ва Кабо-Верде миллий терма жамоалари Бирлашган Араб Амирликларида ташкил этилган  Халқаро Ал-Айн кубоги мусобақасида иштирок этади.

Ушбу турнирнинг биринчи учрашувида Ўзбекистон ва Миср терма жамоалари ўзаро куч синашиши белгилаб қўйилган.

Англиядаги нуфузли манбалар тарқатаётган хабарларга қараганда, Миср терма жамоаси ҳужумчиси Умар Мармуш шахсий сабабларга кўра, Ўзбекистон миллий терма жамоаси билан бўладиган ўйинда қатнашмайди.

- “Манчестер Сити” ҳужумчиси Умар Мармуш Бирлашган Араб Амирликлари мезбонлик қилаётган халқаро турнирнинг биринчи учрашувида қатнашмайди. У терма жамоа раҳбариятидан шахсий сабабларга кўра рухсат олди.

Январда “Манчестер Сити” сафига қўшилган ҳужумчи ҳозирга келиб Хосеп Гвардиола жамоаси ҳужум тизимда муҳим фигуралардан бирига айланиб бормоқда.

Мармуш меҳнатсеварлиги, аниқ ҳаракатлари, ҳужумдаги универсаллиги билан мухлислар эътиборини қозонди. Хусусан, мисрлик футбол ишқибозлари Умарнинг терма жамоа сафида ноябрдаги ўйинларда ҳам муҳим роль ўйнашини кутган эди. Омма ҳужумчи икки учрашувдан биринчисида иштирок этмайди. Бунга футболга боғлиқ бўлмаган сабаб бор.

Миср терма жамоаси бош мураббий Хуссам Ҳассан қўл остида халқаро майдонда янги даражага чиқишга ҳаракат қиляпти. Бош мураббий шогирдларини янги циклдаги мусобақалар, хусусан, яқинлашиб келаётган Африка Миллатлари кубогига ҳам тайёрлаяпти.

Ноябрдаги икки учрашувдан иборат ўртоқлик турнири мураббийлар штабига тактик схемаларини синовдан ўтказиш, таркибни тартибга солиш каби масалаларни кўриб чиқади. Айниқса, рақибларнинг кучлилигини инобатга олсак, Мармушнинг ўқлиги бошқа ўйинчиларга терма жамоа таркибида ўзини кўрсатиш учун яхши имконият бўлади.

Таниқли инсайдер Исмоил Маҳмуднинг маълум қилишича, Умар Мармуш яқинда унаштирилгани боис, Миср терма жамоасининг Ўзбекистонга қарши учрашувида иштирок эта олмайди. Шу муносабат билан Хуссам Ҳассан ва унинг штаби 26 ёшли футболчига мусобақанинг биринчи ўйинини ўтказиб юбориши учун шароит яратиб берди.

Миср терма жамоаси Мармушнинг “Манчестер Сити”даги жамоадоши Абдуқодир Ҳусанов ўйнаётган Ўзбекистон миллий терма жамоаси билан Ал-Айндаги “Хазза бин Зайд” стадионида бўлиб ўтади. Бу турнирда Эрон ва Кабо-Верде терма жамоалари ҳам иштирок этмоқда.

Биринчи учрашувда зафар қучган терма жамоалар турнир финалида бош соврин учун ўзаро тўқнашади. Мағлуб жамоалар эса, учинчи ўрин учун ўйнайди, - деб ёзди cityxtra.co.uk сайти эксперти Том Пайк.

Мирс ва Ўзбекистон терма жамоалари учрашуви 14 ноябрь куни Тошкент вақти билан соат 21:00 да бошланади.

Ҳусанов Муҳаммад Салоҳ билан янги дуэлга тайёрми?

Ҳусановга ким устозлик қилади?

Ўзбекистоннинг шов-шувли ғалабасига қандай муносабат бўлди?

Ўзбекистон Хорватиядан ўтоладими? Имкониятларга баҳо берилди