Европадаги янги Суперлигада қатнашадиган машҳур клублар номи маълум бўлди

12 та машҳур клуб янги ташкил этилган Европа Суперлигасида иштирок этишини тасдиқлади. Манбаларнинг хабар қилишича, “Милан”, “Арсенал”, “Атлетико”, “Челси”, “Барселона”, “Интер”, “Ювентус”, “Ливерпуль”, “Манчестер Сити”, “Манчестер Юнайтед”, “Реал” ва “Тоттенхэм” мусобақада қатнашишга розилик берган.

- Тез орада старт оладиган мусобақа бошлангунича яна учта клуб қўшилиши кутилмоқда. Турнир ташкилотчилари келажакда УЕФА ва ФИФА билан ўзаро ҳамкорликда иш олиб бориш бўйича маслаҳатлашув ўтказишга умид қилмоқда, - дейила Суперлига пресс-релизида.

Ушбу лойиҳада Европанинг энг кучли 20 та жамоаси битта супертурнирда иштирок этади.

Турнирга қўшилган ҳар бир клуб ҳисоб-рақамига дарҳол 350 миллион евро ўтказилади. Режага кўра, иштирокчилар 10 тадан икки гуруғга бўлинади ва мавсум давомида 18-23 та учрашувда иштирок этади.