Фабио Каннаваро Ўзбекистон терма жамоасининг Жаҳон чемпионатидаги имкониятларини қандай баҳолади?

Ўзбекистон миллий терма жамоаси бош мураббийи Фабио Каннаваро "RCN" каналига интервью бериб, Жаҳон чемпионати қуръаси ҳақида ўз фикрлари билан ўртоқлашди. 
 
"Қийин, чунки бизда Колумбия бор, Португалия каби кучли жамоа бор. Биз кичик федерациямиз, бу бизнинг Жаҳон чемпионатидаги биринчи иштирокимиз, шунинг учун бу биз учун муҳим тажриба бўлади. Жамоа сифатида ишлашимиз керак, чунки Португалия ва Колумбия каби жамоаларга қарши ўйнашда индивидуал даражада ҳаракатланиш қийин бўлади. 
 
Бу фақат жамоа ўйини билан осонлашиши мумкин, чунки футбол жамоавий спорт тури ҳисобланади. Колумбияда техника, интенсивлик, истеъдод бор, улар яна яхши терма жамоага айланди. Бу осон эмас. Бизда мавжуд гуруҳ билан ишлаш учун ўн кун бўлади. Март ойида икки ўртоқлик ўйинини ўтказамиз ва Жаҳон чемпионатига тайёргарлик кўрамиз", - дея таъриф бериб ўтди италиялик мутахассис. 
 
Маълумот ўрнида, миллий терма жамоамиз 2026 йилда ўтказиладиган Жаҳон чемпионатининг гуруҳ босқичида Португалия ва Колумбия терма жамоалари билан тўқнаш келади. Конго/Ямайка/Янги Каледония жамоаларидан бири эса гуруҳнинг тўртинчи иштирокчисига айланади. 
 
 
Терма жамоамизнинг гуруҳ босқичидаги тақвими билан танишинг!