Факт! "Бунёдкор" фақатгина 4 бор "Навбаҳор" майдонидан ғалаба билан қайтган

Ўзбекистон чемпионатлари тарихида ушбу жамоалар ўзаро 26 маротаба куч синашишган. 17 та ўйинда “Бунёдкор” “лочинлар”ни мағлубиятга учратган.

“Навбаҳор”  4 та ўйинда ғалабани қўлга киритган. Бешта учрашувда эса томонлар ўзаро дурангга имзо чекишган. Тўплар нисбатидаги кўрсаткич 51:17, “қалдирғочлар” фойдасига.

Ушбу клубларнинг ўзаро ўйинларидаги энг йирик ҳисоб 2009 йили кузатилган. Ўша йили Тошкентда бўлиб ўтган баҳсда “қалдирғочлар” 6:0 ҳисобида ғалаба қозонишганди. 

Наманганда бўлиб ўтган 13 та ўйиннинг 4 тасида мезбонлар,  5 тасида эса меҳмонлар зафар қучишган. Учта учрашувда  эса ғолиб аниқланмаган.

Ўтган мавсумда Наманганда ўтказилган ҳар 2 ўйинда ҳам “Навбаҳор” зафар қучганди.

Эслатиб ўтамиз, “Навбаҳор” – “Бунёдкор” жамоалари ўртасидаги баҳс 6 апрель куни Фарғонадаги “Истиқлол” стадионида соат 17:00 да бошланади.