Факт! "Навбаҳор" "Пахтакор"ни Суперлигада охирги бор 5 йил олдин мағлуб этган

Бугун Суперлига 3-тури доирасида "Пахтакор" ҳамда "Навбаҳор" жамоалари ўзаро кураш олиб боради. Учрашув Тошкент вақти билан 19:30 да бошланади.

Мазкур баҳс олдидан қизиқарли фактни эътиборингизга ҳавола этамиз. Унга кўра, наманганликлар "Пахтакор"ни охирги марта 2018 йили Суперлига ўйинида мағлубиятга учратган.

28 июль куни Наманганда бўлиб ўтган беллашувда "лочинлар" 1:0 ҳисобида зафар қучган. Шундан сўнг ўтказилган ички чемпионат доирасидаги учрашувларда "Навбаҳор" ғалаба нималигини билмай келмоқда.

Бугун бўлиб ўтадиган мазкур тўқнашув олдидан икки клубга ҳам омад тилаган ҳолда чиройли футбол ғалаба қозонишини тилаб қоламиз!