ФАКТ!
Ads

Суперлига 21-турида "Пахтакор" жамоаси Тошкентда "Сўғдиёна"ни қабул қилади.

Аллақачон чемпионликка эришиб бўлган "шерлар" мухлисларни чиройли футбол билан хурсанд этишга уринишади. Жиззахликларда эса Чемпионлар Лигасига чиқиш имконияти мавжуд. Шу сабабли баҳснинг қизиқарли ва кескин кечишига шубҳа йўқ. Жамоалар сафида дисквалификация билан боғлиқ йўқотишлар мавжуд эмас.

Миллий чемпионатлар доирасида ўзаро 47 учрашув бўлиб ўтган. 39 беллашувда пойтахтликлар ғалабага эришган бўлса, 4тадан ўйинда дуранг ва рақибнинг ғалабаси қайд этилган. 120 гол урган "Шерлар" ўз дарвозасидан 38 тўп ўтказиб юборишган. "Пахтакор"нинг энг йирик ғалабалари 6:1 ва 5:0 ҳисобларида кузатилган. Тошкентдаги 23 баҳснинг 21тасида мезбонлар муваффақиятини нишонлашган. Фақат бир мартадан жиззахликлар ютуғи ва дуранг қайд этилган. 1995 йилдан бери "Сўғдиёна" сафар ўйинларида очко олмаган.

Ўйинга ташриф буюрадиган мухлислар чемпионлик нишонланишига аталган ажойиб кечага гувоҳ бўлишлари мумкин. 

Беллашув якунига етгач, стадионда лазер шоу ташкил этилади. Бундан ташқари, миллий эстрада юлдузлари иштирокида концерт дастури, қимматбаҳо совғалар қўйилган ижтимоий акция ва энг муҳим тадбир - чемпионлик кубогини топшириш маросими бўлиб ўтади.

"Пахтакор" - "Сўғдиёна" беллашуви 1 октябрь, сешанба куни "Пахтакор" стадионида соат 17:00да бошланади.