Фалькао янги мавсумни "Галатасарой"да бошлаши мумкин
"Монако" клуби форварди Радамель Фалькао катта эҳтимол билан фаолиятини Туркия Суперлигасида давом эттиради.
TRT Sport нашри тарқатган хабарга кўра 33 ёшли колумбиялик футболчига "Галатасарой" клубидан жиддий таклифлар бўлмоқда. Истанбулликлар аллақачон футболчи билан келишувга эришиб бўлишган. Унга кўра агар Фалькао “Галатасарой”га ўтса, йилига 7 млн евро маош олиши мумкин. Энди трансфер якунланиши учун клублар ўзаро келишиб олишса бас.
Маълумотларга кўра турк клуби “Монако”дан Фалькао билан шартномани бекор қилишни ва уни текинга таркибга қўшиб олишни хоҳламоқда.
Маълумот учун, Фалькао “Монако” сафида 2013 йилдан буён тўп суриб келмоқда. Ўтган давр мобайнида у жами 140та ўйинда майдонга тушди ва 83та гол ҳамда 13та голли узатма ёздириб қўйишга эришди. У шунингда ушбу вақт орасида “Манчестер Юнайтед” ҳамда “Челси” каби АПЛ грандларида ижарада ўйнади. Унинг трансфер нархи эса 10 млн еврога баҳоланмоқда.
Фикрлар