Фарғонада 5та ёш тоифасидаги Республика биринчилигининг дастлабки босқичи бошланди

Ўзбекистон футбол Ассоциациясининг йиллик тақвими асосида Фарғонада 5та ёш тоифадаги гуруҳларда футбол бўйича Республика биринчилигининг дастлабки босқич ўйинлари старт олди. Бу ҳақда ЎФа расмий сайти хабар бермоқда. 

Унга кўра, 2005 йилда туғилган футболчилар ўртасидаги мусобақанинг дастлабки босқичида “Нефтчи” ФМ (Фарғона), Тошлоқ тумани, Қўқон БЎСМ-2 ва “Кимёгар” (Қўқон) жамоалари  ярим финалига йўлланма олиб, ўзаро ўйинлар ўтказишди.

Ярим финалда ғалаба қозонган “Нефтчи” ФМ ва Қўқон БЎСМ-2 жамоалари 21 март куни ғолиблик учун майдонга тушишди. Ўйинда катта ташаббусга эга бўлган “Нефтчи” футбол мактабининг 2005 йилда туғилган тарбияланувчилари 6:1 ҳисобида ғалаба қозонишди.

Эслатиб ўтамиз, мусобақада ғолиб чиққан жамоа ЎФАнинг 2018 йил тақвим режасига асосан ўтказилиши режалаштирилган Республика босқичида иштирок этиш ҳуқуқини қўлга киритди.

Қолган ёшдаги болалар ўртасидаги мусобақаларга ҳам қизғин давом этмоқда.