Фарғоналик мухлислар учун хушхабар!

"Нефтчи" - "Қизилқум" учрашуви чипталари сотувга чиқарилди

Яйпан шаҳрида катта футбол байрамлари давом этади! Жорий йилнинг 13 апрель куни "Ўзбекистон" ўйингоҳида Ўзбекистон Кубоги мусобақасининг гуруҳ босқичи 2-тури доирасида Фарғонанинг "Нефтчи" ва Навоийнинг "Қизилқум" жамоалари ўртасида катта футбол учрашуви бўлиб ўтади.

Ҳозирда мазкур ўйинни жуда кўплаб футбол мухлислари бевосита стадионнинг ўзидан кузатиб бориш истагида эканлигини маълум қилмоқда. Шу муносабат билан бугундан "Ўзбекистон" стадиони кассаларида "Нефтчи" - "Қизилқум" учрашуви чипталари сотувга чиқарилди.

Шошилинг! Сизни катта футбол учрашуви кутмоқда! Чипталар савдоси бўйича қўшимча маълумотларни +998996314494 ягона алоқа рақами орқали олишингиз мумкин бўлади.

Эслатма: Рамазон ойи муносабати билан футбол учрашуви вақтида "Ўзбекистон" ўйингоҳининг турли худудларида рўзадор мухлислар учун ифторлик шароитлари ташкил этилади.