Farhod Bekmurodov oldida bir qator variantlar bor. U qaysi birini tanlaydi?

“Qo‘qon-1912” jamoasining iqtidorli yarim himoyachisi Farhod Bekmurodov kelasi yili faoliyatini boshqa klubda davom ettirishi ehtimoldan holi emas.

Nega deganda, uni o‘z safida ko‘rish istagini bildirayotgan Superliga klublari paydo bo‘lyapti. Ustiga-ustak Bekmurodovning qo‘qonliklar bilan tuzgan shartnomasi 31 dekabr kuni nihoyasiga etadi. Shunday ekan, futbolchiga takliflar bo‘lishi tabiiy.

Qiziq, Bekmurodov variantlar orasidan qaysi birini tanlaydi? Yoki “Qo‘qon-1912” jamoasi bilan kelishuvni uzaytiradimi? Tez orada futbolchi bir qarorga kelsa ajab emas.

Eslatib o‘tamiz, Farhod qo‘qonliklar tarkibiga shu yil boshida qo‘shilgan bo‘lib, Superligada 20 ta o‘yinda maydonga tushib, 1 ta golli uzatmani amalga oshirdi.