Farruh Sayfiev "Paxtakor" bilan shartnomasini uzaytirdi

"Paxtakor" tajribali himoyachi Farruh Sayfiev bilan amaldagi shartnomani uzaytirdi. Bu haqda klub matbuot xizmati xabar tarqatmoqda.

"2018 yildan buyon "sherlar" sharafini himoya qilib kelayotgan Sayfiev bilan shartnoma 2024 yil oxiriga qadar uzaytirildi. Farruh hozirgacha jamoamiz safida jami 154 uchrashuvda maydonga tushib, 9 gol muallifiga aylangan. Ortda qolgan davr mobaynida u "Paxtakor" tarkibida 8 sovrin sohibi bo‘ldi. Umid qilamizki, Farruh jamoamiz bilan hali ko‘plab sovrinlarga ega chiqadi", - deyiladi klub bayonotida.