Фарруҳ Сайфиев "Пахтакор" билан шартномасини узайтирди

"Пахтакор" тажрибали ҳимоячи Фарруҳ Сайфиев билан амалдаги шартномани узайтирди. Бу ҳақда клуб матбуот хизмати хабар тарқатмоқда.

"2018 йилдан буён "шерлар" шарафини ҳимоя қилиб келаётган Сайфиев билан шартнома 2024 йил охирига қадар узайтирилди. Фарруҳ ҳозиргача жамоамиз сафида жами 154 учрашувда майдонга тушиб, 9 гол муаллифига айланган. Ортда қолган давр мобайнида у "Пахтакор" таркибида 8 соврин соҳиби бўлди. Умид қиламизки, Фарруҳ жамоамиз билан ҳали кўплаб совринларга эга чиқади", - дейилади клуб баёнотида.