Файзуллаев бу рейтингга ёриб кирди

Футбол оламида энг нуфузли манбалардан ҳисобланган Transfermarkt портали Россия Премьер-лигасида ўйнаётган футболчиларнинг янгиланган трансфер нархларини эълон қилди.

Россиянинг юқори дивизионида 16 жамоа жами 421 нафар футболчиларни рўйхатдан ўтказган. Шуларнинг 35,9 фоизи, яъни 151 нафари хорижлик чарм тўп усталари ташкил қилади. Россия чемпионатида 49 та мамлакатдан легионерлар ўйнамоқда.

Энг кўп вакил Бразилиядан – жами 22 футболчи. Ўзбекистон Россияга беш нафар футболчисини жўнатган.

Ҳозир Россиядаги энг машҳур ўзбек ўйинчиси Аббосбек Файзуллаев ҳисобланади. Август бошида “Пахтакор”дан Москванинг ЦСКА клубига кўчиб ўтган 20 ёшли футболчимиз қисқа фурсатда мухлису мутахассислар эътибор қозонди. Ҳозир Аббосбек Файзуллаев ЦСКАнинг етакчи ўйинчиларидан бирига айланган.

Легионеримизнинг самарали ўйини Transfermarkt портали экспетларни назаридан ҳам четда қолмади. Ҳамюртимиз Премьер-лиганинг дастлабки ўнта учрашувидан кейин трансфер суммаси ошган 80 нафар футболчидан бири бўлди. Аббосбек чемпионатда бешта учрашувда қатнашиб, биттадан гол ва ассист қайд этганди.

Шунингдек, Файзуллаев трансфер суммаси кескин кўтарилган ўйинчилар рейтингида кучли ўнликка кирди. Ҳамюртимизнинг трансфер нархи, 1 миллион 250 минг еврога ошиб, айнеи пайтда 2 миллион еврони ташкил қилмоқда. Бу кўрсаткич энг кўп қимматлаган футболчилар рейтингида саккизинчи натижадир.

Россия Премьер-лигасида трансфер суммаси ошган ўйинчилар қаторида “Рубин”да ўйнаётган ҳужумкор футболчимиз Умарали Раҳмоналиев ҳам бор. 20 ёшли легионеримизнинг нархи уч ой ичида 400 минг евродан 600 минг еврога кўтарилди.

Умарали Раҳмоналиев “Рубин” сафига шу йилнинг бошида эркини агент сифатида қўшилганди. Бунгача истеъдодли футболчи Ўзбекистон Суперлигасида “Бунёдкор” шарафини ҳимоя қилиб келган.

Легионеримиз Премьер-лигада саккизта ва Россия кубогида тўртта учрашувда майдонга тушди. Умарали ҳали голлари ва ассистлари ҳисобини очмаган бўлса-да, кўрсатаётган ўйини мухлису мутахассислар томонидан юқори баҳоланмоқда.

Россия Премьер-лигасидаги яна уч нафар вакилимизнинг трансфер суммалари ёзда янгланганича ҳали ўзгариш бўлгани йўқ.

“Рубин” ҳимоячиси Рустам Ашурматовнинг трансфер суммаси 700 минг евро экани кўрсатилган. Рустам Премьер-лигада тўрт марта майдонга тушди. Россия кубогида ҳам тўртта ўйин ўтказган футболчимиз ўз ҳисобига битта гол ҳам ёздириб қўйган.

“Нижний Новгород” жамоасидаги ҳамюртларимизда ҳам жиддий ўзгаришлар йўқ. Жорий мавсумда икки турнирда бешта ўйин ўтказган Иброҳимхалил Йўлдошев 900 минг еврога баҳоланмоқда.

Унинг жамоадош Руслан Жиянов эса, жамоага яқинда қўшилган ва ҳозирча, Россия кубогида бир неча дақиқа ўйнади, холос. Русланнинг трансфер суммаси бугунги кунда 450 минг еврони ташкил қилмоқда.

Файзуллаев "учди"!

Яхшибоев Роналду қилган ишни уддалади!

Раньери Шомуродов ҳақидаги саволга жавоб берди

Хорижлик экспертлар Файзуллаевга тан бера бошлади