Файзуллаев қишда ЦСКАдан Европага кетиши кутиляпти

Россия футболининг таниқли экспертларидан бири, ЦСКА клубининг собиқ футболчиси Валерий Масалитин жамоанинг бугунги кундаги етакчиси Аббосбек Файзуллаев яқинлашиб келаётган қишки трансферлар даврида кучли клублардан бирига ўтишини таъкидлади.

- Файзуллаевнинг 2023 йилнинг энг яхши ёш ўйинчилари номинацияси бўйича ғолиблик учун курашадиган футболчилар рўйхатига киритилгани унинг ўзига ҳам, ЦСКАга ҳам катта плюс бўлади.

“Армиячилар” мана шундай истеъдод эгасини топа олган ва уни жамоага олиб келишни уддалаган.  Бу селекция хизмати зўр ишлаганидан далолат беради.

Номинациясида ютиб чиқиш учун Аббоснинг имкониятлари паст. Чунки Жуд Беллингем умуман бошқа савиядаи ўйинчи ва шундай ўйнашда давом этса, тез орада “Олтин тўп”ни ҳам олади.  Бугунги кунда Беллингемга тенг келадиган футболчи йўқ.

Файзуллаев ҳам порлагани ва ўзига халқаро экспертлар эътиборини қаратганини таъкидлашимиз лозим. Энди унга талаб ошади ва тез орада яхши таклифлар ҳам келиб тушади. Ҳамма унинг ўзига боғлиқ.Балки, унинг ЦСКАдан трансфери қишда амалга оширилар.  

Лекин мен Файзуллаевнинг яна ҳеч бўлмаганда бир ярим мавсум Премьер-лигада қолиши ва ўсишини истайман, - деди Валерий Масалитин.

Россиялик футбол ишқибозлари ҳам Аббосбек Файзуллаевнинг трансфер қилиниши мумкинлигини ижтимоий тармоқларда кенг муҳокама қилмоқда.

Sports.uz портали ўзбекистонликлик футбол ишқибозлари эътиборига россиялик мухлисларнинг фикр-мулоҳазаларидан айримларини ҳавола этади.

Nikokor:

Файзуллаевга ҳеч бўлмаса, шу мавсумни тугатиб олиш имкониятини беринг. Кейинги мавсумга қолса ҳам яхши бўларди.

Zenitnevsky:

Файзуллаевнинг маҳорати борлиги кўриниб турибди. Айниқса, зўр пас беришни яхши ўзлаштирган.

Solarcross71:

Аббосбек кетгани яхши. ЦСКАда саккизинчи ўрин учун курашиб юрганидан, бошқа лигага ўтгани маъқул.

Serg100555:

Айрим экспертлар Файзуллаев қишда ЦСКАдан трансфер қилиниши мумкинлигини таъкидламоқда. Агар бу амалга ошса, ЦСКА мусобақа жадвалида янада қуйи ўринларга шўнғийди.

Mau:

Менинг фикримча, жамоани Аббосбек Файзуллаев ва Фёдор Чалов атрофида шакллантириш керак.

Zenitnevsky:

Файзуллаев трансферидан келадиган пулларга бир неча бразилияликларни олиб келишади ҳали.

Kvadrat21:

Файзуллаев кучли ўйинчи!

Evgenij90:

Ўзи шундоқ ҳам жамоага ўйинчи етишмаяпти. Қишда асосий футболчилардан бирини қўйиб юборсак, мавсум охирида ЦСКАнинг жадвалдаги жойи янада паст бўлади. Мураббийни айблашни тўхтатинг. Таркибга бир қаранг, ўйнайдиган ким қоляпти?

Rus11111:

Агентлар Файзуллаевни Европага отланишга чақираётган кўринади. Уни ушлаб қолиш жуда қийин бўлади. Клуб ҳам яхшигина пулга муҳтож.

Ffm:

Агар Хвича Кварацхелия 85 миллион еврога баҳоланаётган бўлса, Аббосбекнинг нарзи 50 миллион евродан кам эмас.

Тезкор: Файзуллаев Жуд Беллингем билан бирга жаҳоннинг энг зўр ёш ўйинчиси совринига даъвогар!