Файзуллаевнинг Европага кетишига нима тўсқинлик қиляпти?

Ўзбекистон футболининг энг ёрқин тарбияланувчиларидан Аббосбек Файзуллаев ўтган йили августда “Пахтакор”дан ЦСКА клубига кўчиб ўтгани ва Россия Премьер-лигасида порлай бошлаганидан бери унинг Европага йўл олиши жуда кўп муҳокама қилинмоқда.

Айниқса, ҳужумкор футболчининг Ўзбекистоннинг турли терма жамоалари сафида халқаро миқёсдаги мусобақаларда ҳам юқори савияда ўйин намойиш қилаётгани унинг Европада ўйнашга лойиқ экани ҳақидаги фикр-мулоҳазаларни кўпайтираётгани ҳам бор гап.

Ўтган мавсумда Аббосбек Файзуллаевга Германиянинг “Бавария”, Италиянинг “Парма”, Испаниянинг “Вильярреал” каби клублари қизиқиш билдираётгани хақида хабарлар тарқатилган эди.

“Setanta Sports” телеканалининг россиялик футбол шарҳловчиси Дмитрий Бажанов журналистлар билан суҳбатда Ўзбекистон миллий терма жамоаси ва ЦСКА футболчиси Аббосбек Файзуллаевнинг фаолиятини Европанинг кучли лигаларида давом эттириш имконияти ҳақида ўз фикр-мулоҳазаларини билдириб ўтди.

- Аббосбек Файзуллаевнинг Европада ўйнаш имконияти жуда яхши. Бироқ унинг ЦСКАда ўйнаётгани бу борада муаммо туғдиради, чунки бу клуб санкциялар остида қолмоқда.

ЦСКАнинг Ғарбий Европа клублари билан трансфер бўйича ҳамкорлик қилиши қийин масала. Ўйлашимча, Аббосбек Файзуллаев айнан Ғарбий Европанинг кучли лигаларига интилмоқда. Унинг иқтидорини инобатга олсак, Аббоснинг танловида мантиқ бор.

Ҳозирча, у ЦСКАда ўйнаб тургани унинг фойдасига ишлайди. Файзуллаев ҳали ёш ва бу жамоада босқичма-босқич ривожланиб бориши имконияти бор.

Кучлироқ чемпионатга ўтишдан олдин “пишиб олиш” жуда муҳим.

Умуман олганда, Аббосбек Файзуллаев Осиёнинг энг иқтидорли футболчиларидан, унинг матбуотда ҳурмати баланд, ўтган Осиё чемпионати ва Олимпия ўйинларида жуда яхши ўйнади.

Ҳозирча, у Элдор Шомуродовнинг йўлини такрорлай оладими ёки йўқ, буни айтолмайман, лекин умид бор.

Менимча, талант борасида Аббосбек Файзуллаев Элдор Шомуродовдан ҳам ўтади, - деди Дмитрий Бажанов.

Аббосбек Файзуллаев бугунги кунда ЦСКА жамоасидаги асосий фигуралардан бири ҳисобланади. “Армиячилар”нинг ҳужум чизиғи сарадорлиги айнан легионеримизнинг ўйинига боғлиқ.

Янги мавсумда 21 ёшли ҳужумкор футболчимиз Россия Премьер-лигаси ва мамлакат кубоги доирасида жами 13 та учрашувда иштирок этиб, иккита гол ва бешта ассист қайд этди.

Бугунги кунда легионеримизнинг трансфер суммаси 6 миллион еврога баҳоланмоқда. Файзуллаев Марказий Осиёнинг энг қиммат футболчиси ҳисобланади.  

Ўзбекистон кучлими ёки Қозоғистон ёхуд терма жамоаси кучига қандай баҳо беришди?

Ўзбекистоннинг жаҳон чемпионатига чиқиш шарти айтилди

Ҳусанов Европада трансфер қарашларини ўзгартирди

Шомуродов гол урмаса бўлмайди...

Файзуллаев Европага кетсин!

Шомуродов ва 178 нафар футболчи бўйича маълумот чиқди

Ҳусанов “Ланс”ни Францияда биринчи, Европада тўртинчи ўринга кўтарди