Файзуллаевнинг жамоаси ўзбек клуби билан ўйнайди

Россия Премьер-лигаси вакили ЦСКА қишки танаффус вақтида учта хорижий ўқув-машғулот йиғинини ўтказади.

“Армиячилар” клубининг расмий сайтида берилган хабарга кўра,  жамоа 14-26 январь кунлари илк йиғинни Бирлашган Араб Амирликларининг Абу-Даби шаҳрида ўтказади. Кейинги икки йиғин 30 январь – 10 февраль ва 14 – 25 февраль кунлари Туркининг Аниалья шаҳрида ташкил этилади.

ЦСКА Абу-Дабида 25 январь куни “Торпедо” билан ўртоқлик учрашувида майдонга тушди. Қолган беллашувлар Туркиядаги йиғинлар доирасида ўтказилади.

Хусусан, “армиячилар” 1 февраль куни “Андижон”, 16 ва 20 февралда “Родина” ҳамда “Химки” футболчилари билан синов-назорат ўйинида қатнашади.

ЦСКАдаги легионеримиз Аббосбек Файзуллаев йиғинларнинг аксарият қисмида қатнаша олмайди.ю 20 ёшли ҳужумкор футболчи Ўзбекистон миллий терма жамоаси сафида Қатарда ўтказиладиган Осиё чемпионатида иштирок этади.