Файзуллаевнинг кетиши ЦСКА учун йўқотиш

Россиялик машҳур мураббий Валерий Непомняший легионеримиз Аббосбек Файзуллаев ЦСКАни тарк этиши ҳақида гапирди. Аввалроқ, Файзуллаев фаолиятини Туркиянинг "Истанбул Башакшеҳир" клубида давом эттириши ҳақида хабар берилганди.

"Файзуллаев ЦСКА учун йўқотиш бўлади. Аббос ўйинига яна ва яна қўшиши мумкин эди. Лекин бу молиявий фойдали савдо. Бундан қочиб қутулиб бўлмайди - ЦСКА пул топишга мажбур. Менимча, тўғри йўл шу. Агар футболчи Европада ўйнаш истагини билдирган бўлса, ўйнасин," - деди Непомняший "Чемпионат" мухбири Егор Кабак билан суҳбатда.

Эслатиб ўтамиз, аввалроқ "Истанбул" Файзуллаевнинг 7,5 миллион евро эвазига Москва клуби билан келишувга эришгани хабар қилинганди. Аббосбек 2023 йилнинг ёзида "Пахтакор" клубидан 500 минг евро эвазига ЦСКАга ўтган.